விதிமுறைகளை மீறிய 18 கனரக வாகனங்களுக்கு அபராதம்

அரியலூர் மாவட்ட போலீஸ் சூப்பிரண்டு பெரோஸ்கான் அப்துல்லா உத்தரவின் பேரில் அரியலூர் புறவழிச்சாலை-கல்லங்குறிச்சி ரவுண்டானா அருகே அரியலூர் போக்குவரத்து இன்ஸ்பெக்டர் கார்த்திகேயன் தலைமையிலான போலீசார் வாகன சோதனையில் ஈடுபட்டனர். அப்போது, போக்குவரத்து விதிமுறைகளை பின்பற்றாத, தார்ப்பாய் சரியாக போடாத மற்றும் பிரதிபலிப்பான் ஒட்டாத 18 கனரக வாகனங்களை போலீசார் பிடித்து அபராதம் விதித்தனர்.