மேலும் 19 பேருக்கு கொரோனா

திருப்பூர் மாவட்டத்தில் கொரோனா தொற்று தினசரி பாதிப்பு இல்லாத நிலையில் தற்போது கொரோனா பாதிப்பு சற்று ஏறி, இறங்கி வருகிறது. நேற்று மாவட்டத்தில் மேலும் 19 பேருக்கு கொரோனா தொற்று ஏற்பட்டுள்ளது. 11 பேர் குணமடைந்தனர். தற்போது 123 பேர் சிகிச்சையில் உள்ளனர்.

இதுவரை மாவட்டத்தில் 1 லட்சத்து 30 ஆயிரத்து 150 பேர் பாதிக்கப்பட்டுள்ளனர். அவர்களில் 1 லட்சத்து 28 ஆயிரத்து 975 பேர் குணமடைந்துள்ளனர். இதுவரை 1,052 பேர் கொரோனாவுக்கு பலியாகியுள்ளனர். தொற்று பாதிப்பு ஏற்பட்டு சிகிச்சை பெறுவோரின் எண்ணிக்கை தொடர்ந்து அதிகரித்து வருகிறது. பொது இடங்களில் நடமாடுவோர் கண்டிப்பாக முககவசம் அணிய வேண்டும் என்று மாவட்ட நிர்வாகம் அறிவுறுத்தியுள்ளது.