தாய்-மகளை தாக்கிய 2 பேர் கைது

சின்னசேலம்,

சின்னசேலம் அடுத்த அ.வாசுதேவனூர் கிராமத்தை சேர்ந்தவர் பெரியசாமி மனைவி லட்சுமி (வயது 33). இவருக்கும் அதே ஊரைச் சேர்ந்த கவுதம் (25) என்பவருக்கும் இடையே முன்விரோதம் இருந்து வந்ததாக கூறப்படுகிறது, இந்த நிலையில் சம்பவத்தன்று கவுதம் தனது ஆதரவாளர்கள் கொளஞ்சி (25), அரவிந்தன் ஆகியோருடன் லட்சுமியின் வீட்டுக்குள் புகுந்து அவரது மகள் பிரியதர்ஷினி என்பவரை தாக்கியதாக தெரிகிறது. இதை தடுத்த லட்சுமியையும் அவர்கள் தாக்கி உள்ளனர். இது குறித்து லட்சுமி அளித்த புகாரின் பேரில் கவுதம், கொளஞ்சி, அரவிந்தன் ஆகிய 3 பேர் மீதும் சின்னசேலம் போலீசார் வழக்குப்பதிவு செய்து அதில் கவுதம், கொளஞ்சி ஆகிய 2 பேரை கைது செய்தனர்.