வாலிபரை தாக்கிய 2 பேர் கைது

மதுரை கீழசந்தைப்பேட்டை பகுதியை சேர்ந்தவர் முகமது ஆதீஷ் (வயது 30). இவர் அந்த பகுதியில் நின்று கொண்டிருந்தார். அப்போது மோட்டார் சைக்கிளில் வந்த 2 பேர் அவரிடம் தகராறு செய்தனர். பின்னர் அவரை தாக்கி மிரட்டல் விட்டு தப்பிவிட்டனர். இதுகுறித்து முகமதுஆதீஷ் தெப்பக்குளம் போலீசில் புகார் அளித்தார். புகாரின் பேரில் போலீசார் வழக்குப்பதிவு செய்து விசாரணை நடத்தி காமராஜர் சாலை தூமாட்டி ரங்கசாமி அய்யர் தெருவை சேர்ந்த செல்வகுமார் (24), முனிச்சாலை சீனிவாச பெருமாள் கோவில் தெருவை சேர்ந்த கோபி(23) ஆகிய இருவரை கைது செய்தனர்.