கஞ்சா விற்ற 2 பேர் கைது

எடமலைப்பட்டிபுதூர்:

எடமலைப்பட்டிபுதூர் மில்காலனி பகுதியில் எடமலைப்பட்டிபுதூர் போலீசார் ரோந்து பணியில் ஈடுபட்டனர். அப்போது அங்கு மாரியம்மன் கோவில் தெருவை சேர்ந்த சக்திவேல்(வயது 39) என்பவர் கஞ்சா விற்றது தெரியவந்தது. இதைத்தொடர்ந்து அவரை கைது செய்த போலீசார், அவரிடம் இருந்து 150 கிராம் கஞ்சாவை பறிமுதல் செய்தனர். இதேபோல், ராம்ஜிநகரை சேர்ந்த முத்துராமன் (45) என்பவர் மில்காலனி பகுதியில் கஞ்சா விற்றபோது, எடமலைப்பட்டிபுதூர் போலீசாரால் கைது செய்யப்பட்டார். அவரிடம் இருந்து 100 கிராம் கஞ்சா பறிமுதல் செய்யப்பட்டது.