கஞ்சா கடத்திய 2 பேர் கைது

நெல்லிக்குப்பம்,

நெல்லிக்குப்பத்தில் கஞ்சா கடத்தப்படுவதாக போலீசாருக்கு ரகசிய தகவல் கிடைத்தது. இதையடுத்து நெல்லிக்குப்பம் போலீஸ் சப்- இன்ஸ்பெக்டர் ஆறுமுகம் தலைமையிலான போலீசார் நெல்லிக்குப்பம் மேல்பாதி பகுதியில் வாகன சோதனையில் ஈடுபட்டனர்.

அப்போது அந்த வழியாக மோட்டார் சைக்கிளில் வந்த 2 பேரை தடுத்து நிறுத்தி விசாரணை நடத்தினர். அவர்கள் முன்னுக்கு பின் முரணாக பதில் அளித்தனர். இதையடுத்து அவர்களிடம் போலீசார் துருவி, துருவி விசாரணை நடத்தினர். இதில் அவர்கள் நெல்லிக்குப்பம் எய்தனூரை சேர்ந்த விக்கி (வயது 28), வைடிப்பாக்கத்தை சேர்ந்த சந்துரு (22) ஆகியோர் என்பதும், கஞ்சாவை கடத்தி வந்ததும் தெரியவந்தது. இதையடுத்து அவர்களை போலீசார் கைது செய்தனர். மேலும் அவர்களிடம் இருந்த 200 கிராம் கஞ்சா மற்றும் மோட்டார் சைக்கிளை போலீசார் பறிமுதல் செய்தனர்.