ரேஷன் அரிசி கடத்திய 2 பேர் கைது

நெல்லை குடிமை பொருள் கடத்தல் தடுப்பு குற்ற புலனாய்வு பிரிவு போலீஸ் இன்ஸ்பெக்டர் கோட்டைச்சாமி, சப்-இன்ஸ்பெக்டர் சரவணபோஸ் ஆகியோர் தலைமையில் போலீசார் தென்காசி பகுதியில் நேற்று வாகன சோதனையில் ஈடுபட்டனர். அப்போது மேலகடையநல்லூரைச் சேர்ந்த மாரியப்பன் என்பவர் 800 கிலோ ரேஷன் அரிசியை மினி லாரியில் கடத்தி சென்றது தெரியவந்தது. உடனே அவரை கைது செய்து மினி லாரியையும், அரிசியையும் பறிமுதல் செய்தனர்.

இதேபோல் சுந்தரபாண்டியபுரம் தட்டான்குளத்தை சேர்ந்த கோபால் என்பவர் 400 கிலோ ரேஷன் அரிசியை ஒரு மினி லாரியில் கடத்திச்சென்று தெரிய வந்தது. உடனே அவரை கைது செய்து மினி லாரியையும், அரிசியையும் பறிமுதல் செய்தனர்.