தொழிலாளியை கத்தியால் குத்திய 2 பேர் கைது

தென்காசி மாவட்டம் சங்கரன்கோவிலை சேர்ந்தவர் கோவிந்தன் (வயது 32). கூலித்தொழிலாளி. கடந்த 27-ந்தேதி இவர், பழனி பஸ்நிலையத்தில் நின்று கொண்டிருந்தார். அப்போது கோவிந்தனுக்கும், அந்த பகுதியில் நின்ற மதுரை அண்ணாதோப்பு பகுதியை சேர்ந்த பாண்டியராஜன் (21), திண்டுக்கல்லை சேர்ந்த 18 வயது வாலிபர் ஆகியோருக்கும் இடையே தகராறு ஏற்பட்டது.

இதில், பாண்டியராஜன் மற்றும் 18 வயது வாலிபர் ஆகியோர் கோவிந்தனை கத்தியால் குத்திவிட்டு தப்பியோடினர். இதில் காயமடைந்த கோவிந்தன் பழனி அரசு மருத்துவமனையில் சிகிச்சைக்காக சேர்க்கப்பட்டார். இந்த சம்பவம் குறித்து பழனி டவுன் போலீசார் வழக்குப்பதிவு செய்து பாண்டியராஜன், 18 வயது வாலிபரை கைது செய்தனர்.