இரும்பு குழாய் திருடிய 2 பேர் கைது

விக்கிரமசிங்கபுரம்:

விக்கிரமசிங்கபுரம் வடக்கு அகஸ்தியர்புரம் பகுதியைச் சேர்ந்தவர் நாராயணன் (வயது 34). வெல்டிங் தொழிலாளி. இவர் தனது வேலைக்காக 20 கிலோ இரும்பு குழாய்களை தனது வீட்டின் முன் வைத்து இருந்தார். இதை மர்ம நபர்கள் திருடிச் சென்றனர். இதுகுறித்து நாராயணன் விக்கிரமசிங்கபுரம் போலீஸ் நிலையத்தில் புகார் அளித்தார்.அதன்பேரில் போலீசார் வழக்குப்பதிவு செய்து விசாரணை நடத்தினர். அதில், விக்கிரமசிங்கபுரம் கோட்டைவிளைபட்டி பகுதியை சேர்ந்த சுதாகர் (27), சுப்பிரமணியன் (32) ஆகியோர் சேர்ந்து இரும்பு குழாய்களை திருடியது தெரியவந்தது. இதையடுத்து அவர்கள் 2 பேரையும் போலீசார் கைது செய்தனர். அவர்களிடம் இருந்து இரும்பு குழாய்களும் மீட்கப்பட்டது.