கஞ்சாவுடன் 2 பேர் கைது

பாளையங்கோட்டை அருகே சீவலப்பேரி போலீஸ் சப்-இன்ஸ்பெக்டர் அய்யப்பன் தலைமையில் போலீசார் சீவலப்பேரி கால்நடை மருத்துவமனை பகுதியில் ரோந்து பணியில் ஈடுபட்டனர்.

அப்போது மடத்துப்பட்டியை சேர்ந்த முருகன் (வயது 23), மேலப்பாட்டத்தை சேர்ந்த இசக்கிபாண்டி (21) ஆகியோர் வந்த மோட்டார் சைக்கிளை நிறுத்தி சோதனை நடத்தினர். அதில் விற்பனைக்கு கஞ்சா வைத்திருந்தது தெரியவந்தது.

இதுகுறித்து போலீசார் வழக்குப்பதிவு செய்து இருவரையும் கைது செய்தனர். அவர்களிடமிருந்து கஞ்சா மற்றும் மோட்டார் சைக்கிளை பறிமுதல் செய்தனர்.