2 பசுக்கள் மர்மச்சாவு

செம்பட்டி அருகே உள்ள சேடபட்டியை சேர்ந்தவர் ராமராஜ் (வயது 32). விவசாயி. இவா், தனது வீட்டில் 3 பசு மாடுகளை வளர்த்து வந்தார். அந்த பசுக்களை, அப்பகுதியில் உள்ள தனது அக்காள் முனீஸ் என்பவரின் வீட்டருகே கொட்டகை அமைத்து அங்கு கட்டி வைத்திருந்தார். இந்த நிலையில் நேற்று 2 பசு மாடுகள் மர்மமான முறையில் இறந்து கிடந்தன. இதைக்கண்ட ராமராஜ் அதிர்ச்சி அடைந்தார்.

இதுகுறித்து செம்பட்டி போலீஸ்நிலையத்தில் அவர் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர். இதற்கிடையே சம்பவ இடத்துக்கு கால்நடை மருத்துவர் வரவழைக்கப்பட்டு பசுக்களின் உடல்கள் பரிசோதனை செய்யப்பட்டது. கால்நடை மருத்துவரின் அறிக்கை கிடைத்தவுடன் தான், பசுக்கள் இறந்ததற்கான காரணம் தெரிய வரும் என்று போலீசார் தெரிவித்தனர்.