மகளிர் உரிமைத்தொகை திட்டத்தில் 2 லட்சம் விண்ணப்பங்கள் பதிவு

2 லட்சம் விண்ணப்பங்கள் பதிவு

குடும்ப தலைவிகளுக்கு மாதம் ரூ.1,000 வழங்கும் கலைஞர் மகளிர் உரிமைத்தொகை திட்டத்தில் விண்ணப்பங்கள் பதிவு முகாம் நடைபெற்று வருகிறது. புதுக்கோட்டை மாவட்டத்தில் முதற்கட்டமாக புதுக்கோட்டை, ஆலங்குடி, அறந்தாங்கி, கந்தர்வகோட்டை, இலுப்பூர், மணமேல்குடி, பொன்னமராவதி ஆகிய 7 தாலுகாவில் விண்ணப்ப பதிவு முகாம்கள் கடந்த 24-ந் தேதி முதல் ஆங்காங்கே நடைபெற்று வருகிறது. மொத்தம் 3 லட்சத்து 6 ஆயிரத்து 454 குடும்ப அட்டைதாரர்களுக்கு விண்ணப்பம் வினியோகிக்கப்பட்டுள்ளது. இதில் நேற்று காலை வரை 2 லட்சம் விண்ணப்பங்கள் பதிவு செய்யப்பட்டுள்ளன. தொடர்ந்து விண்ணப்ப பதிவு முகாம்கள் நடைபெற்று வருகிறது. முதற்கட்ட விண்ணப்ப பதிவு முகாம்கள் வருகிற 4-ந் தேதி வரை நடைபெற உள்ளது.

2-ம் கட்டமாக...

இதைத்தொடர்ந்து 2-ம் கட்டமாக விண்ணப்ப பதிவு முகாம்கள் வருகிற 5-ந் தேதி தொடங்கி 16-ந் தேதி வரை நடைபெற உள்ளது. 2-ம் கட்டம் திருமயம், கறம்பக்குடி, குளத்தூர், விராலிமலை, ஆவுடையார்கோவில் ஆகிய 5 தாலுகாவிற்குட்பட்ட பகுதிகளில் உள்ள ரேஷன் கடை பணியாளர்கள் மூலம் விண்ணப்பங்கள், டோக்கன் வினியோகிக்கப்பட்டு விண்ணப்ப பதிவு முகாம்கள் நடைபெற உள்ளன. இதற்கான ஏற்பாடுகளை அதிகாரிகள் செய்துள்ளனர்.