ஆன்லைன் லாட்டரி விற்ற 2 பேர் கைது

வேதாரண்யம்:

வேதாரண்யம் போலீஸ் சப்-இன்ஸ்பெக்டர் கேத்ரின் எஸ்தர் மற்றும் போலீசார் வேதாரண்யம் அடுத்த புஷ்பவனம் ஆலமரத்தடி பகுதியில் ரோந்து பணி மற்றும் வாகன சோதனையில் ஈடுபட்டனர். அப்போது அந்த பகுதியில் மறைவாக நின்று கொண்டிருந்த 2 பேரை பிடித்து விசாரணை நடத்தினர். விசாரணையில் அவர்கள் புஷ்பவனம் கொத்தங்காடு பகுதியை சேர்ந்த மணிமாறன் (வயது 36), சக்திவேல் (46) என்பதும், அவர்கள் ஆன்லை லாட்டரி விற்பனை செய்ததும் தெரியவந்தது. இதுகுறித்து வழக்குப்பதிவு செய்த போலீசார் மணிமாறன், சக்திவேலை கைது செய்தனர். மேலும் அவர்களிடமிருந்து ஆன்லைன் லாட்டரி விற்பனை செய்த தொகை ரூ.300 மற்றும் அவர்கள் பயன்படுத்திய 2 செல்போன்களையும் பறிமுதல் செய்தனர்.