கோவில் உண்டியலை உடைக்க முயன்ற 2 பேர் கைது

நெல்லை சந்திப்பு பாலபாக்யா நகரில் பிள்ளையார் கோவில் உள்ளது. இந்த கோவில் உண்டியலை மர்மநபர் கடந்த 11-ந்தேதி உடைக்க முயன்றார். இதுகுறித்த புகாரின் பேரில் சந்திப்பு போலீசாா் வழக்குப்பதிவு செய்தனர்.

விசாரணையில், நெல்லை மாவட்டம் மூன்றடைப்பு நாடார் தெருவை சோ்ந்த பாலகிருஷ்ணன் மகன் தமிழ்வாணன் (வயது 29) என்பவர் கோவில் உண்டியலை உடைக்க முயன்றது தெரியவந்தது. இதனையடுத்து போலீசார் அவரையும், அவருக்கு உதவியாக இருந்ததாக அவரின் கூட்டாளியான வல்லநாடு பகுதியை சேர்ந்த மணிகண்டன் (60) என்பவரையும் கைது செய்தனர்.