இரும்பு தகடுகள் திருட முயன்ற 2 பேர் கைது

தூத்துக்குடி ராஜீவ் நகரைச் சேர்ந்தவர் ஜெயபால் (வயது 47). கட்டிட ஒப்பந்ததாரர். இவர் கதிர்வேல் நகரில் ஒரு கட்டிடம் கட்டி வருகிறார். இதற்காக அங்கு இரும்பு தகடுகள் அடுக்கி வைத்துள்ளார். இந்த நிலையில் கடந்த 4-ந்தேதி இரவு அங்கு வந்த 2 வாலிபர்கள், அந்த இரும்பு தகடுகளை திருட முயற்சித்தனராம். அதைப் பார்த்த அப்பகுதி மக்கள் அந்த 2 வாலிபர்களையும் விரட்டி பிடித்து சிப்காட் போலீஸ் நிலையத்தில் ஒப்படைத்தனர். இதையடுத்த போலீசார் அவர்கள் 2 பேரையும் கைது செய்து, அவர்களிடம் விசாரணை மேற்கொண்டனர். விசாரணையில் அவர்கள் பிரையண்ட் நகர் பகுதியைச் சேர்ந்த பாலமுருகன் (23), செல்வகுமார் (26) என்பதும், இரும்பு தகடுகளை திருட முயன்றதும் தெரிய வந்தது. இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.