மோட்டார் சைக்கிள் திருட முயன்ற சிறுவன் உள்பட 2 பேர் கைது

ஜோலார்பேட்டையை அடுத்த பாச்சல் ஊராட்சிக்கு உட்பட்ட ஆசிரியர் நகர் பகுதியை சேர்ந்தவர் கிருஷ்ணன். இவரது மகன் மகன் சூர்யா (வயது 26). இவர் ஜோலார்பேட்டை ரெயில் நிலையத்தில் டிக்கெட் எடுக்க சென்றார். அங்கு தனது மோட்டார் சைக்கிளை வெளியே நிறுத்தி விட்டு சென்று டிக்கெட் எடுத்துக்கொண்டு வெளியே வந்து பார்த்தபோது தனது மோட்டார் சைக்கிளை 2 பேர் திருடமுயன்றனர்.

அவர்களை கையும் களவுமாக பிடித்து ஜோலார்பேட்டை போலீஸ் நிலையத்தில் ஒப்படைத்தார். அவர்களிடம் சப்-இன்ஸ்பெக்டர் பிரபு மற்றும் போலீசார் நடத்திய விசாரணையில் அவர்கள் ஜோலார்பேட்டை அருகே உள்ள தென்றல் நகர் பகுதியை சேர்ந்த செல்வராஜ் என்பவரது மகன் கோவிந்தராஜ் (வயது 24) மற்றும் சந்தைக்கோடியூர் போலீஸ் ஸ்டேஷன் ரோடு பகுதியை சேர்ந்த 17 வயது சிறுவன் என்பது தெரியவந்தது.

அவர்கள் மீது போலீசார் வழக்குப்பதிவு செய்து இருவரையும் கைது செய்து கோர்ட்டில் ஆ'ர்படுத்தி கோவிந்தராஜை சிறையில் அடைத்தனர். 17 வயது சிறுவனை சீர்திருத்த பள்ளியில் சேர்த்தனர்.