2 பேர் உயிரிழப்பு; தமிழ்நாட்டில் 542 பேருக்கு கொரோனா

சென்னை,

தமிழ்நாட்டில் நேற்று ஒரே நாளில் 542 பேர் கொரோனா பாதிப்பு அடைந்து உள்ளனர். இதில் 283 ஆண்கள் மற்றும் 259 பெண்கள் அடங்குவார்கள். அதிகபட்சமாக சென்னையில் 116 பேருக்கும், கோவையில் 75 பேருக்கும், கன்னியாகுமரியில் 35 பேருக்கும் மற்றும் வெளிநாட்டு பயணிகள் ஒருவருக்கும் தொற்று ஏற்பட்டு உள்ளது. மொத்தம் 36 மாவட்டங்களில் பாதிப்பு கண்டறியப்பட்டு உள்ளது.

கொரோனா பாதிப்பில் இருந்து நேற்று 432 பேர் குணம் அடைந்தனர். சிகிச்சை பெறுவோரின் எண்ணிக்கை 3 ஆயிரத்து 563 ஆக உள்ளது. இந்த நிலையில் சென்னையில் ஒருவரும், காஞ்சீபுரத்தில் ஒருவரும் கொரோனாவுக்கு பலியாகி உள்ளனர்.

மேற்கண்ட தகவல் மக்கள் நல்வாழ்வுத்துறை வெளியிட்ட செய்திக்குறிப்பில் கூறப்பட்டுள்ளது.