மது விற்ற 2 பேர் கைது

கரூர் வாங்கல் போலீஸ் இன்ஸ்பெக்டர் மாணிக்கவாசகம் தலைமையிலான போலீசார் ரோந்து பணியில் ஈடுபட்டிருந்தனர். அப்போது வாங்கல் பகுதியில் மது விற்று கொண்டிருந்த சோமுரை சேர்ந்த மகேந்திரன் என்பவரை போலீசார் கைது செய்தனர். மேலும் அவர் விற்பனைக்காக வைத்திருந்த 10 மதுபாட்டில்களும் பறிமுதல் செய்யப்பட்டன. குளித்தலை அருகே உள்ள கணேசபுரம் பகுதியில் சட்டவிரோதமாக மது விற்கப்படுவதாக குளித்தலை போலீசாருக்கு தகவல் கிடைத்துள்ளது. அதன் பேரில் அங்கு சென்ற போலீசார் தனது வீட்டின் பின்புறம் வைத்து மதுவிற்ற அதே பகுதியை சேர்ந்த பாப்பாத்தி (வயது 60) என்பவரை கைது செய்தனர். மேலும் அவரிடம் இருந்த 6 மது பாட்டில்களும் பறிமுதல் செய்யப்பட்டன.