மது விற்ற 2 பேர் கைது

விராலிமலை மற்றும் அதன் சுற்றுவட்டார பகுதிகளில் மதுபாட்டில்கள் விற்கப்படுவதாக விராலிமலை போலீசாருக்கு தகவல் கிடைத்தது. தகவலின்பேரில் போலீஸ் சப்-இன்ஸ்பெக்டர் சண்முகம் தலைமையிலான போலீசார் விராலிமலை புதிய பஸ் நிலையம் பகுதியில் ரோந்து பணியில் ஈடுபட்டிருந்தனர். அப்போது சக்திநகரை சேர்ந்த அழகுமலை (வயது 50) என்பவர் அவரது கடையில் மது பாட்டில்களை மறைத்து வைத்து விற்பனை செய்து கொண்டிருந்தார். இதையடுத்து போலீசார் அவரை கைது செய்தனர். இதேபோல் மீனவவேலி சித்திரம்பட்டியில் அதே பகுதியை சேர்ந்த மாமுண்டி (60) என்பவர் வீட்டில் வைத்து மது பாட்டில்களை விற்பனை செய்வதை கண்டறிந்த போலீசார் அவரையும் கைது செய்தனர். மேலும் அவர்கள் இருவரிடம் இருந்து 11 மது பாட்டில்களை போலீசார் பறிமுதல் செய்தனர்.