மது விற்ற 2 பேர் கைது

குளித்தலை அருகே உள்ள பரளி 4 ரோடு பகுதியில் சட்டவிரோதமாக மதுவிற்கப்படுவதாக குளித்தலை போலீசாருக்கு தகவல் கிடைத்துள்ளது. அதன் பேரில் அங்கு சென்ற போலீசார் அப்பகுதியில் மதுவிற்ற குளித்தலை அருகே உள்ள கோட்டமேடு பகுதியைச் சேர்ந்த சிவானந்தம் (வயது 54) என்பவரை கைது செய்தனர். மேலும் அவரிடமிருந்த 6 மதுபாட்டில்களும் பறிமுதல் செய்யப்பட்டன.

தென்னிலை போலீஸ் நிலையத்திற்கு உட்பட்ட பகுதியில் சட்டவிரோதமாக மது விற்கப்படுவதாக வந்த தகவலின்பேரில் போலீசார் அப்பகுதியில் ரோந்து பணியில் ஈடுபட்டனர். அப்போது தென்னிலை டாஸ்மாக் அருகே சுள்ளிமடைப்பாளையத்தை சேர்ந்த மோகன்ராஜ் (38) என்பவர் மது விற்று கொண்டிருந்தார். இதையடுத்து அவரை போலீசார் கைது செய்தனர். மேலும் அவர் விற்பனைக்காக வைத்திருந்த 5 மதுபாட்டில்களும் பறிமுதல் செய்யப்பட்டன.