மது விற்ற 2 பேர் கைது

அரியலூர் மாவட்டம் வி.கைகாட்டி அருகே சட்டவிரோதமாக மதுவிற்பதாக பல்வேறு புகார் வந்தது. அதன்பேரில் கயர்லாபாத் சப்-இன்ஸ்பெக்டர் பூபாலன் தலைமையிலான போலீசார் ரோந்து பணியில் ஈடுபட்டனர். அப்போது கயர்லாபாத் அரசு நகரை சேர்ந்த பூமிநாதன் (வயது 47), ஜெயங்கொண்டம் மெயின் ரோட்டை சேர்ந்த அன்புஜலின் (31) ஆகியோர் சட்டவிரோதமாக மதுவிற்றது தெரியவந்தது. இதையடுத்து அவர்கள் 2 பேரையும் போலீசார் கைது செய்தனர். மேலும் அவர்கள் விற்பனைக்காக வைத்திருந்த மதுபாட்டில்களும் பறிமுதல் செய்யப்பட்டன.