சாராயம் கடத்திய 2 பேர் கைது

நாகூரை அடுத்த மேல வாஞ்சூர் சோதனை சாவடியில் நாகூர் போலீசார் வாகன சோதனையில் ஈடுபட்டனர். அப்போது காரைக்காலில் இருந்து நாகைக்கு வந்த புதுச்சேரி போக்குவரத்து கழக அரசு பஸ்சில் அமர்ந்து இருந்த பயணிகளின் பையை சோதனை செய்தனர். அப்போது நடத்திய விசாரணையில் நாகை அக்கரைகுளத்தை சேர்ந்த நாகராஜ் மகன் சீனு (வயது28), அதே பகுதியை சேர்ந்த கர்ணன் மகன் அருண்குமார் (32) ஆகியோர் சாராயம் கடத்தி வந்தது தெரியவந்தது. இதுகுறித்து நாகூர் போலீசார் வழக்குப்பதிவு செய்து சீனு, அருண்குமார் ஆகியோரை கைது செய்து அவர்களிடம் இருந்த 110 லிட்டர் சாராயத்தை பறிமுதல் செய்தனர்.