புகையிலை கடத்திய 2 பேர் கைது

ஸ்ரீவில்லிபுத்தூர்,

ஸ்ரீவில்லிபுத்தூர் பகுதியில் நகர் சப்-இன்ஸ்பெக்டர் நாகராஜ் ரோந்து பணியில் ஈடுபட்டார். அப்போது அங்குள்ள முருகன் கோவில் அருகே வந்த காரை நிறுத்தி சோதனை செய்தார். அந்த காரில் மூடைகளில் 47 கிலோ புகையிலை பொருட்கள் இருந்தது தெரியவந்தது.

இதையடுத்து அவற்றை பறிமுதல் செய்து விசாரணை நடத்தினார். விசாரணையில் காரில் புகையிலை கடத்தி வந்தது பாலமுருகன் (வயது 48), ஆனந்த் (41) என்பது தெரியவந்தது. இதையடுத்து அவர்கள் 2 பேரையும் கைது செய்து காரையும் பறிமுதல் செய்தனர். இதுகுறித்து நகர் போலீசார் தொடர்ந்து விசாரணை நடத்தி வருகின்றனர்.