2 சுற்றுலா பயணிகள் படுகாயம்

கூடலூர்,

ஊட்டியில் இருந்து கேரள பதிவு எண் கொண்ட கார் கூடலூர் நோக்கி வந்து கொண்டிருந்தது. நடுவட்டம் பகுதியில் இருந்து தமிழ்நாடு அரசுக்கு சொந்தமான கார் ஒன்று ஊட்டியை நோக்கி சென்றது. பைக்காரா பகுதியில் 2 கார்களும் திடீரென மோதி விபத்துக்கு உள்ளானது.

இதில் கேரளாவை சேர்ந்த சுற்றுலா பயணிகள் சுலைமான் உள்பட 2 பேர் படுகாயமடைந்தனர். மீதமுள்ளவர்கள் அதிர்ஷ்டவசமாக காயமின்றி உயிர் தப்பினர். இதுகுறித்து பைக்காரா போலீசார் விரைந்து வந்து விசாரணை நடத்தினர். ஆனால், புகார் கொடுக்காததால் வழக்கு எதுவும் பதிவு செய்யவில்லை. தொடர்ந்து காயமடைந்தவர்கள் கூடலூர் அரசு ஆஸ்பத்திரியில் சிகிச்சை பெற்று கேரளாவுக்கு புறப்பட்டு சென்றனர்.