மது விற்ற 2 பெண்கள் கைது

அரியலூர் மாவட்டம் தா.பழூர் மற்றும் அதன் சுற்றுவட்டார பகுதிகளில் சட்டவிரோதமாக மது விற்பதாக பல்வேறு புகார் வந்தது. அதன்பேரில் தா.பழூர் இன்ஸ்பெக்டர் ராஜேந்திரன் தலைமையிலான போலீசார் பல்வேறு இடங்களில் திடீர் சோதனை மேற்கொண்டனர். அப்போது அமிர்தராயன்கோட்டை காலனி தெருவை சேர்ந்த விஜயகுமார் மனைவி காந்திமதி என்பவர் தனது வீட்டில் விற்பனைக்காக பதுக்கி வைத்திருந்த 36 மதுபாட்டில்களை போலீசார் பறிமுதல் செய்தனர். இதேபோல் கோடங்குடி தெற்கு தெருவை சேர்ந்த மணிகண்டன் மனைவி நிர்மலா (வயது 44) என்பவர் வீட்டில் பதுக்கி வைத்திருந்த 10 மதுபாட்டில்களையும் பறிமுதல் செய்தனர். மேலும் இந்த சம்பவம் தொடர்பாக காந்திமதி, நிர்மலா ஆகியோரை போலீசார் கைது செய்தனர்.