குண்டர் சட்டத்தில் 2 வாலிபர்கள் கைது

மதுரை திருப்பரங்குன்றம் தென்பரங்குன்றம் பகுதியை சேர்ந்தவர்கள் ராஜா (வயது 21), விக்னேஷ்வரன் (21). இவர்கள் 2 பேர் மீதும், நகரின் பல்வேறு போலீஸ் நிலையங்களில் கொலை முயற்சி, கொள்ளை, வழிப்பறி உள்ளிட்ட வழக்குகள் நிலுவையில் உள்ளன. இந்தநிலையில் இவர்கள், பொது ஒழுங்கு பராமரிப்பிற்கு குந்தகமான வகையில் செயல்பட்டு வந்துள்ளனர். இதனால், இவர்களை குண்டர் சட்டத்தில் கைது செய்ய மாநகர போலீஸ் கமிஷனர் நரேந்திரன்நாயர் உத்தரவிட்டார். அவரது உத்தரவின்பேரில், அவர்கள் 2 பேரும் குண்டர் சட்டத்தில் கைது செய்யப்பட்டு சிறையில் அடைக்கப்பட்டனர்.