நாட்டு துப்பாக்கியுடன் 2 வாலிபர்கள் கைது

உளுந்தூர்பேட்டை

உளுந்தூர்பேட்டை போலீஸ் சப்-இன்ஸ்பெக்டர்கள் பிரபாவதி, அலெக்ஸ் ஆகிய இருவரும் சிறுபாக்கம் பகுதியில் தீவிர ரோந்து பணியில் இருந்தனர். அப்போது அந்த வழியாக இருசக்கர வாகனத்தில் கையில் நாட்டு துப்பாக்கியுடன் வந்த இருவரை போலீசார் மடக்கி பிடித்தனர். பின்னர் அவர்களை போலீஸ் நிலையத்துக்கு அழைத்து சென்று விசாரணை நடத்தினர். விசாரணையில் அவர்கள் சிறுபாக்கம் கிராமத்தை சேர்ந்த கணேசன்(வயது 31 மற்றும் கிளியூர் கிராமம் மாரியப்பன்(23) என்பதும், வனவிலங்குகளை வேட்டையாடுவதற்காக சென்றபோது சிக்கியதும் தெரியவந்தது. இதையடுத்து இருவரையும் கைது செய்த போலீசார் அவர்களிடம் இருந்து நாட்டு துப்பாக்கியை பறிமுதல் செய்தனர்.