ஆயுதங்களுடன் பதுங்கியிருந்த 2 வாலிபர்கள் கைது

மதுரை விளக்குத்தூண் போலீசார் ரோந்து சென்றனர். முனிச்சாலை ஓபுளாபடித்துறை பனையூர் கால்வாய் பகுதியில் சென்ற போது 2 பேர் போலீசாரை கண்டதும் அங்கு பதுங்கினர். அவர்களை போலீசார் சுற்றி வளைத்து பிடித்து விசாரணை நடத்தினர். அதில் மேல அனுப்பானடி வீட்டு வசதி வாரிய குடியிருப்பை சேர்ந்த சதீஷ்பாண்டி (வயது 22), சிவகங்கை மாவட்டம் திருப்புவனத்தை சேர்ந்த கார்த்திகேயன் (20) என்பதும், அவர்கள் கத்தி உள்ளிட்ட ஆயுதங்களை மறைத்து வைத்திருந்ததும் தெரியவந்தது. பின்னர் போலீசார் வழக்குப்பதிவு செய்து அவர்களை கைது செய்து, ஆயுதங்களை பறிமுதல் செய்தனர்.