ஐகோர்ட்டுக்கு அளித்த உத்தரவாதத்தின்படி உள்ளாட்சி தேர்தலை ஏன் நடத்தவில்லை?

தமிழக உள்ளாட்சி அமைப்புகளுக்கு கடந்த ஆண்டு அக்டோபர் 24–ந் தேதிக்குள் தேர்தல் நடத்தி முடிக்கவேண்டும். இதுதொடர்பாக, தமிழ்நாடு மாநில தேர்தல் ஆணையம் அறிவிப்பு வெளியிட்டது.

இந்த மனு நீதிபதி எம்.துரைசாமி முன்பு நேற்று விசாரணைக்கு வந்தது. அப்போது மனுதாரர் சார்பில் மூத்த வக்கீல் பி.வில்சன் ஆஜராகி, ‘தமிழக அரசும், தமிழ்நாடு மாநில தேர்தல் ஆணையமும் கூட்டு சேர்ந்து உள்ளாட்சி தேர்தலை நடத்தாமல் இழுத்தடிக்கிறது. மே 14–ந் தேதிக்குள் உள்ளாட்சி தேர்தலை நடத்தி முடிக்கப்படும் என்று இந்த ஐகோர்ட்டில் தேர்தல் ஆணையம் தான் உத்தரவாதம் அளித்தது. அந்த உத்தரவாதத்தின் அடிப்படையில் தேர்தலை நடத்தவில்லை. இந்த செயல், அரசியலமைப்பு சட்டத்துக்கு எதிராக உள்ளது’ என்று வாதிட்டார்.

அப்போது, தமிழ்நாடு மாநில தேர்தல் ஆணையம் சார்பில் ஆஜரான வக்கீல் நெடுஞ்செழியன், ‘சுப்ரீம் கோர்ட்டு, ஐகோர்ட்டில் வழக்குகள் நிலுவையில் உள்ளன. மேலும், தனி நீதிபதி என்.கிருபாகரன் தேர்தலில் குற்றப்பின்னணி உள்ளவர்கள் போட்டியிடுவதை தடுக்கும் விதமாக சில உத்தரவுகளை பிறப்பித்துள்ளார். அந்த உத்தரவை அமல்படுத்த வேண்டியதுள்ளது. அது தொடர்பான நடவடிக்கைகளை தமிழக அரசு மேற்கொண்டால்தான், உள்ளாட்சி தேர்தலை நடத்த முடியும்’ என்றார்.

இதை ஏற்றுக்கொண்ட நீதிபதி, விசாரணையை 4 வாரத்துக்கு தள்ளிவைத்தார். அதற்குள் இந்த வழக்கிற்கு விரிவான பதில் மனுவை தமிழ்நாடு மாநில தேர்தல் ஆணையம், தேர்தல் ஆணையர் மாலிக் பெரோஸ்கான், தமிழக தலைமை செயலாளர் உள்ளிட்டோர் தாக்கல் செய்யவேண்டும் என்று நீதிபதி உத்தரவிட்டார்.