தஞ்சாவூரில் சசிகலாவின் உறவினர் டாக்டர் வெங்கடேஷ் வீட்டில் வருமான வரி துறை சோதனை

தஞ்சாவூர்,

சென்னையில் உள்ள ஜெயா தொலைக்காட்சி நிறுவனம் மற்றும் நமது எம்.ஜி.ஆர். நாளிதழ் அலுவலகம் ஆகியவற்றில் வருமான வரி துறை சோதனை நடந்து வருகிறது.

தமிழகம் முழுவதும் 160 இடங்களில் வருமான வரித்துறை அதிகாரிகள் சோதனையில் ஈடுபட்டு வருகின்றனர்.  கருப்பு பண ஒழிப்பு முயற்சியின் நடவடிக்கையாக வருமான வரித்துறை சோதனை என தகவல் தெரிவிக்கின்றது.

இந்த நிலையில், சசிகலாவின் உறவினர்களான திவாகரன், விவேக், கிருஷ்ணப்ரியா உள்ளிட்டோர் வீடுகளிலும் சோதனை நடந்து வருகிறது.  மன்னார்குடி மன்னைநகரில் உள்ள டி.டி.வி. தினகரன் வீட்டில் வருமான வரி துறை சோதனை நடத்தி வருகின்றனர்.

சசிகலாவின் அண்ணன் மகனான மறைந்த மகாதேவன் வீட்டிலும் சோதனை நடந்து வருகிறது.  திருச்சி மங்கம்மாள் நகரில் உள்ள சசிகலாவின் உறவினர் கலியப்பெருமாள் வீட்டிலும் சோதனை நடைபெறுகிறது.

இந்த நிலையில், தஞ்சாவூரில் புதுக்கோட்டை சாலையில் உள்ள சசிகலாவின் உறவினர் டாக்டர் வெங்கடேஷ் வீட்டில் வருமான வரி துறை அதிகாரிகள் சோதனையில் ஈடுபட்டுள்ளனர்.