மாநில செய்திகள்

10 எக்ஸ்பிரஸ் ரெயில்கள் இன்று ரத்துதெற்கு ரெயில்வே அறிவிப்பு + "||" + 10 Express Trains Cancel today South Railway Notice

10 எக்ஸ்பிரஸ் ரெயில்கள் இன்று ரத்துதெற்கு ரெயில்வே அறிவிப்பு

10 எக்ஸ்பிரஸ் ரெயில்கள் இன்று ரத்துதெற்கு ரெயில்வே அறிவிப்பு
அரக்கோணம் யார்டு பகுதியில் பராமரிப்பு பணி மேற்கொள்ளப்பட உள்ளதால் 10 எக்ஸ்பிரஸ் ரெயில்கள் இன்று (ஞாயிற்றுக்கிழமை) ரத்து செய்யப்படுகின்றன.
சென்னை,

 சென்னை சென்டிரல்-மைசூரு இடையே இருமார்க்கமாக இயக்கப்படும் சதாப்தி எக்ஸ்பிரஸ் (வண்டி எண்: 12007/08), கோவை -சென்னை சென்டிரல் இடையே இருமார்க்கமாக இயக்கப்படும் சேரன் எக்ஸ்பிரஸ் (12674/75) மற்றும் கோவை எக்ஸ்பிரஸ் (12676), சென்னை சென்டிரல்-திருப்பதி இடையே இயக்கப்படும் எக்ஸ்பிரஸ் (16057/54), சென்னை சென்டிரல்- ஜோலார்பேட்டை இடையே இருமார்க்கமாகவும் இயக்கப்படும் ஏலகிரி எக்ஸ்பிரஸ் (16089/90), மதுரை -சென்னை சென்டிரல் எக்ஸ்பிரஸ் (20602) உள்ளிட்ட 10 எக்ஸ்பிரஸ் ரெயில்கள் முழுவதும் ரத்து செய்யப்படுகின்றன.


* அரக்கோணத்தில் இருந்து சென்னை சென்டிரல், செங்கல்பட்டு, காட்பாடி, வேலூர், கடப்பா, கடற்கரைக்கு செல்லும் பயணிகள் ரெயில்களும் ரத்து செய்யப்படுகின்றன. மேலும் சூலூர்பேட்டை-மூர்மார்க்கெட் (66036), நெல்லூர்-சூலூர்பேட்டை (66038), திருப்பதி-அரக்கோணம் (66050), சென்னை சென்டிரல்-அரக்கோணம் (66015), அரக்கோணம்-திருப்பதி (66039), ஆவடி-மூர்மார்க்கெட் (66002), திருப்பதி-நெல்லூர் (66033), மூர்மார்க்கெட்- ஆவடி (66005) இடையே இயக்கப்படும் பயணிகள் ரெயில்களும் ரத்து செய்யப்படுகின்றன.

* மும்பை சி.எஸ்.எம்.டி.-சென்னை சென்டிரல் பயணிகள் ரெயில் (11027), காச்சிக்குடா-செங்கல்பட்டு எக்ஸ்பிரஸ் (17652), சென்னை எழும்பூர்-தாதர் எக்ஸ்பிரஸ் (12164), சில்கார்-திருவனந்தபுரம் எக்ஸ்பிரஸ் (12508), டேராடூன்-மதுரை எக்ஸ்பிரஸ் (12688), தன்பாத்-ஆலப்புழா எக்ஸ்பிரஸ் (13351), பாட்னா -எர்ணாகுளம் எக்ஸ்பிரஸ் (22644) உள்ளிட்ட ரெயில்கள் மாற்றுப்பாதையில் இயக்கப்பட்டு திருத்தணி நிலையத்தில் 2 நிமிடங்கள் நின்று செல்லும்.

* சென்னை சென்டிரல்-கோவை சதாப்தி எக்ஸ்பிரஸ் (12243/44), சென்னை சென்டிரல்-பெங்களூரு பிருந்தாவன் எக்ஸ்பிரஸ் (12639/40) ஆகியவை 90 நிமிடங்களும், சென்னை சென்டிரல்-பெங்களூரு டபுள்டக்கர் எக்ஸ்பிரஸ் (22626) 95 நிமிடங்களும் தாமதமாக இயக்கப்படும்.

மேற்கண்ட தகவல்கள் தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டு இருக்கிறது.