நெல்லின் குறைந்தபட்ச ஆதார விலையை குவிண்டாலுக்கு 2 ஆயிரத்து 310 ரூபாயாக உயர்த்த வேண்டும் - ஸ்டாலின்
நெல்லின் குறைந்தபட்ச ஆதார விலையை குவிண்டாலுக்கு 2 ஆயிரத்து 310 ரூபாயாக உயர்த்த வேண்டும் என்று மு.க. ஸ்டாலின் கூறியுள்ளார். #Stalin #CentralGovernment
சென்னை,
நெல்லுக்கான குறைந்தபட்ச ஆதரவு விலையை குவிண்டாலுக்கு ரூ.200 உயர்த்த மத்திய மந்திரிசபை ஒப்புதல் அளித்தது.
இந்தநிலையில் இது குறித்து திமுக செயல் தலைவர் ஸ்டாலின் வெளியிட்டுள்ள அறிக்கையில் கூறியிருப்பதாவது:
4 வருடங்களாக விவசாயிகள் நலன் குறித்தும், பிரச்சினை குறித்தும் கவலை கொள்ளாத மத்திய அரசு, தற்போது கபட நாடகமாடுகிறது. மத்திய அரசின் கபட நாடகத்தை டெல்லி சென்று போராடிய தமிழக விவசாயிகள் துல்லியமாக அறிந்து வைத்திருக்கிறார்கள்.
உயர்ந்து வரும் இடுபொருள்களின் விலை போன்றவற்றைக் கருத்தில் கொண்டு, நெல்லுக்கான குறைந்தபட்ச ஆதார விலையை மத்திய அரசு நிர்ணயம் செய்ய வேண்டும்.
மேலும், ஒரு குவிண்டால் நெல்லுக்கு 2 ஆயிரத்து 310 ரூபாய் கிடைக்கும் அளவிற்காவது குறைந்த பட்ச ஆதார விலையை உயர்த்தி வழங்க வேண்டும்.
என அவர் வலியுறுத்தியுள்ளார்.
Related Tags :
Next Story
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2022, © Daily Thanthi Powered by Hocalwire
