டெல்லியில் இருந்து திமுக எம்.பிக்கள், திருச்சி சிவா, டிகேஎஸ் இளங்கோவன் விமானம் மூலம் சென்னை புறப்பட்டனர்

10-வது நாளாக  மருத்துவமனையில் சிகிச்சை பெற்று வரும், திமுக தலைவர் கருணாநிதியின் உடல் நிலையில், திடீர் பின்னடைவு ஏற்பட்டுள்ளது.இதனால், கடந்த சில நாட்களாக தொண்டர்கள் வருகை குறைந்து இயல்பு நிலைக்கு திரும்பியிருந்த காவேரி மருத்துவமனை வளாகம் மீண்டும் பரபரப்பான சூழலுக்கு திரும்பியுள்ளது.  

காவேரி மருத்துவமனைக்கு கருணாநிதியின் குடும்பத்தினர் வருகை தந்துள்ளனர். திமுக தலைவர் கருணாநிதியின் உடல் நிலை குறித்து விசாரிக்க அக்கட்சியின் மூத்த நிர்வாகிகள் காவேரி மருத்துவமனைக்கு வருகை தந்துள்ளனர்.  திமுக எம்எல்ஏக்கள் டிஆர்பி ராஜா, அன்பில் மகேஷ், செந்தில்குமார், வாகை சந்திரசேகர், செஞ்சி மஸ்தான், பல்லாவரம் கருணாநிதி, அன்பரசன் உள்ளிட்டோரும் வருகை தந்துள்ளனர். இதேபோல்,  டெல்லியில் இருந்து திமுக எம்.பிக்கள், திருச்சி சிவா, டிகேஎஸ் இளங்கோவன் ஆகியோர்  விமானம் மூலமாக சென்னை புறப்பட்டுள்ளனர்.