<
தி.மு.க. தலைவர் கருணாநிதி மறைவு; டி.டி.வி. தினகரன், நடிகர் ரஜினிகாந்த் அஞ்சலி செலுத்தினர்
தி.மு.க. தலைவர் கருணாநிதி மறைவுக்கு டி.டி.வி. தினகரன், நடிகர் ரஜினிகாந்த் அஞ்சலி செலுத்தினர்.
சென்னை,
சென்னை ஓமந்தூரார் தோட்டத்தில் உள்ள ராஜாஜி அரங்கில் மறைந்த தி.மு.க. தலைவர் கருணாநிதி உடல் பொதுமக்கள் அஞ்சலிக்காக வைக்கப்பட்டு உள்ளது. அவரது உடல் மீது தேசிய கொடி போர்த்தப்பட்டு உள்ளது. தொடர்ந்து ராணுவ மரியாதையும் வழங்கப்பட்டது.
அவரது உடல் வைக்கப்பட்டு உள்ள கண்ணாடி பேழை அருகே, தலைவர் கலைஞர் மறைந்தார் என்ற செய்தி இடம்பெற்ற இன்றைய முரசொலி நாளிதழ் வைக்கப்பட்டு உள்ளது.
இந்த நிலையில், அவரது உடலுக்கு டி.டி.வி. தினகரன் மற்றும் அவரது ஆதரவாளர்கள் அஞ்சலி செலுத்தினர். அவர் செய்தியாளர்களின் கேள்வி ஒன்றிற்கு, அரசியல் பேச விரும்பவில்லை என கூறினார்.
அதனை தொடர்ந்து, நடிகர் ரஜினிகாந்த் தனது குடும்பத்தினருடன் வந்து அஞ்சலி செலுத்தினார். அவரது மனைவி லதா, மகள் சவுந்தர்யா, மருமகன் தனுஷ் ஆகியோரும் அஞ்சலி செலுத்தியுள்ளனர்.
அதன்பின் மு.க. அழகிரி, மு.க. ஸ்டாலினுக்கு நடிகர் ரஜினிகாந்த் ஆறுதல் கூறினார்.
அதன்பின்னர் நடிகர்கள் ராதாரவி மற்றும் சிவகார்த்திகேயன் உள்ளிட்டோரும் அஞ்சலி செலுத்தினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
