மாநில செய்திகள்

தமிழகத்தில் அரிசி விலை வரலாறு காணாத வீழ்ச்சி + "||" + Rice price in Tamil Nadu The history is unseen

தமிழகத்தில் அரிசி விலை வரலாறு காணாத வீழ்ச்சி

தமிழகத்தில் அரிசி விலை வரலாறு காணாத வீழ்ச்சி
கர்நாடகாவில் பருவமழை அதிகரிப்பால், தமிழகத்தில் அரிசி விலை வரலாறு காணாத வீழ்ச்சி அடைந்துள்ளது.
சென்னை,

இந்தியாவின் தென் மாநிலங்களான கர்நாடகா, கேரளாவில் இந்த ஆண்டு அதிக அளவில் தென்மேற்கு பருவமழை பெய்தது. இதில் கேரளாவில் சில இடங்களில் வெள்ள பாதிப்பு ஏற்பட்டது. கர்நாடகா மற்றும் ஆந்திரா மாநிலங்களில் அதிக மழை பெய்ததால் இந்த ஆண்டு அரிசி உற்பத்தி அதிகரித்து இருக்கிறது.


மேலும் தென்மேற்கு பருவமழையால் கர்நாடகா அணைகளில் இருந்து தண்ணீர் திறக்கப்பட்டு, தமிழகத்துக்கு தேவையான நீர் வந்தடைந்தது. இதனால் தமிழகத்திலும் நெல் அறுவடை அதிகரித்தது. இந்த நிலையில் கர்நாடக, ஆந்திரா மாநிலங்களில் இருந்து அரிசி வரத்து அதிகரித்துள்ளது. இதனால் தமிழகத்தில் அரிசி விலை வரலாறு காணாத வகையில் வீழ்ச்சி அடைந்துள்ளது.

அதன் அடிப்படையில் தமிழகத்தில் விற்கப்படும் 25 கிலோ மூட்டை அரிசி விலை ரூ.50 முதல் ரூ.100 வரை குறைந்துள்ளது. தமிழகத்தில் ரூ.700-க்கு விற்கப்பட்டு வந்த ஏ.டி.டி. 47 ரக பொன்னி (25 கிலோ) தற்போது ரூ.630 ஆகவும், ரூ.750-க்கு விற்கப்பட்ட கோ.51 பொன்னி ரூ.570 ஆகவும், ரூ.900-க்கு விற்கப்பட்ட டீலெக்ஸ் பொன்னி ரூ.800 ஆகவும் குறைந்துள்ளது.

மேலும் ரூ.1150-க்கு விற்கப்பட்ட ஆந்திரா ஸ்டீம் அரிசி(முதல் ரகம்) ரூ.1050 ஆகவும், ரூ.1000-க்கு விற்கப்பட்ட ஆந்திரா ஸ்டீம் அரிசி(இரண்டாவது ரகம்) ரூ.900 ஆகவும், ரூ.1250-க்கு விற்கப்பட்ட கர்நாடக ஸ்டீம் அரிசி(முதல் ரகம்) ரூ.1150 ஆகவும், ரூ.1100-க்கு விற்கப்பட்ட கர்நாடக ஸ்டீம் அரிசி (இரண்டாவது ரகம்) ரூ.1000 ஆகவும், ரூ.700-க்கு விற்கப்பட்ட இட்லி அரிசி ரூ.600 ஆகவும் குறைந்துள்ளது. மேலும் வரும் மாதங்களில் இன்னும் சரியக்கூடும் என்று தமிழ்நாடு அனைத்து மளிகை வியாபாரிகள் சங்கத் தலைவர் எஸ்.பி.சொரூபன் தெரிவித்தார்.


தொடர்புடைய செய்திகள்

1. தீபாவளிக்கு 2 மணி நேரம் மட்டும் வெடிக்க அனுமதி: தமிழகத்தில் பட்டாசு விற்பனை மந்தம் வியாபாரிகள் கவலை
தீபாவளிக்கு 2 மணி நேரம் மட்டும் பட்டாசு வெடிக்க அனுமதி அளிக்கப்பட்டுள்ளதால், தமிழகம் முழுவதும் பட்டாசு விற்பனை மந்தமாக நடைபெறுகிறது. இதனால், வியாபாரிகள் கவலை அடைந்துள்ளனர்.
2. தமிழகத்தில் 20 தொகுதிகளுக்கு விரைவில் இடைத்தேர்தல் ஆட்சியை தக்கவைக்க அ.தி.மு.க. தீவிரம்
20 தொகுதிகளுக்கு நடைபெறும் இடைத்தேர்தலில் வெற்றி பெற வேண்டும் என்பதில் அ.தி.மு.க. தீவிரம் காட்டி வருகிறது. ஆட்சியை தக்கவைக்க குறைந்தது 8 தொகுதிகளில் வெற்றி பெற வேண்டும் என்பதை முதல்-அமைச்சர் எடப்பாடி பழனிசாமி சுட்டிக்காட்டினார்.
3. தமிழகத்தில் மருத்துவ அவசர நிலை தேவை இல்லை அமைச்சர் ஜெயக்குமார் பேட்டி
டெங்கு முழுமையாக கட்டுப்படுத்தப்பட்டு உள்ள நிலையில் தமிழகத்தில் மருத்துவ அவசர நிலையை அறிவிக்க தேவை இல்லை என மு.க.ஸ்டாலினுக்கு அமைச்சர் ஜெயக்குமார் பதில் அளித்து உள்ளார்.
4. தமிழகத்தில் அனைத்து தபால் நிலையங்களும் கணினிமயமாக்கப்படும் தலைமை அதிகாரி தகவல்
தமிழகத்தில் அனைத்து தபால் நிலையங்களும் கணினிமயமாக்கப்படும் என்று தலைமை தபால் துறை அதிகாரி சம்பத் தெரிவித்தார்.
5. தமிழகத்தில் உணவு தானிய உற்பத்தி இலக்கு 130 லட்சம் மெட்ரிக் டன் ஆய்வுக்கூட்டத்தில் வேளாண்மை இயக்குனர் தகவல்
தமிழகத்தில் உணவு தானிய உற்பத்தி இலக்கு 130 லட்சம் மெட்ரிக் டன் என்று சேலத்தில் நடந்த ஆய்வுக்கூட்டத்தில் வேளாண்மை இயக்குனர் தட்சிணாமூர்த்தி கூறினார்.