மாநில செய்திகள்

மு.க.ஸ்டாலின், வைகோவுடன் நக்கீரன் கோபால் சந்திப்புதனக்காக குரல் கொடுத்ததற்காக நன்றி தெரிவித்தார் + "||" + with MK Stalin, Vaiko Nakheeran Gopal Meet

மு.க.ஸ்டாலின், வைகோவுடன் நக்கீரன் கோபால் சந்திப்புதனக்காக குரல் கொடுத்ததற்காக நன்றி தெரிவித்தார்

மு.க.ஸ்டாலின், வைகோவுடன் நக்கீரன் கோபால் சந்திப்புதனக்காக குரல் கொடுத்ததற்காக நன்றி தெரிவித்தார்
தனக்காக குரல் கொடுத்ததற்காக மு.க.ஸ்டாலின், வைகோ ஆகியோரை நேரில் சந்தித்து நக்கீரன் கோபால் நன்றி தெரிவித்தார்.
சென்னை,

கவர்னருக்கு எதிராக அவதூறு செய்தி வெளியிட்டதாக கூறி, நேற்று முன்தினம் நக்கீரன் ஆசிரியர் கோபால் திடீரென்று கைது செய்யப்பட்டார். இதற்கு தி.மு.க. தலைவர் மு.க.ஸ்டாலின், ம.தி.மு.க. பொதுச்செயலாளர் வைகோ மற்றும் அரசியல் கட்சி தலைவர்கள், பத்திரிகையாளர்கள் கடும் கண்டனம் தெரிவித்தனர். அவரை சிறைக்கு அனுப்ப வழக்கில் எந்த முகாந்திரமும் இல்லை என்று கூறி, நக்கீரன் கோபாலை கோர்ட்டு விடுவித்தது.

மு.க.ஸ்டாலின்- வைகோவுடன் சந்திப்பு

தனக்காக போராடியவர்களுக்கு நக்கீரன் கோபால் நன்றி தெரிவித்து வருகிறார். அண்ணா அறிவாலயத்தில் தி.மு.க. தலைவர் மு.க.ஸ்டாலினை அவர் சந்தித்து நன்றி தெரிவித்துக்கொண்டார். தனக்கு ஆதரவாக சாலையில் அமர்ந்து தர்ணா போராட்டம் நடத்திய வைகோவை, நக்கீரன் கோபால் நேரில் சந்தித்து நன்றி தெரிவித்தார்.

பின்னர் ம.தி.மு.க. பொதுச்செயலாளர் வைகோ நிருபர்களிடம் கூறியதாவது:-

கருப்பு கொடி

நக்கீரன் கோபால் ஜெயிலுக்கெல்லாம் பயப்பட மாட்டார் என்று நான் கூறினேன். உயிருக்கு துணிந்து அவர் காடுகளுக்கெல்லாம் போய் வந்தவர். 2 வருடம் நான் ஜெயிலில் இருந்தது போல அவர் பொடாவில் இருந்தார். எனவே இதுபற்றி அவர் கவலைப்பட மாட்டார். ஆனால் இன்றைக்கு நக்கீரன் கோபாலுக்கு வந்தது நாளை மற்ற பத்திரிகைகளுக்கு, தொலைக்காட்சிகளுக்கு வரலாம். தமிழக அரசியலுக்கு வரலாம்.

நீதிபதி கோபிநாத் 124-க்கு முகாந்திரம் இல்லை என்று சொன்னது ராஜ்பவன் கன்னத்தில் விழுந்த அறை என்று சொன்னேன். ஆட்சியை கலைப்பதற்கு கூட அறிக்கை அனுப்பிய கவர்னர்கள் உண்டு. ஆனால் இந்த பதவியை தவறாக பயன்படுத்தி ஒரு போட்டி அரசாங்கத்தை நடத்திக் கொண்டு மந்திரிகளையும், எம்.பி.க்களையும் உள்ளே விடாமல் அலுவலர்களை மட்டும் விட்டு நிர்வாகத்தை பற்றி கவர்னர் விசாரணை செய்கிறார். அதற்கு தான் தி.மு.க. எல்லா இடங்களிலும் கருப்பு கொடி காட்டியது.

கவர்னர் பதவி

கவர்னர் பதவி ஒழிக்கப்பட வேண்டும் என்பது அண்ணாவின் கோரிக்கை. எங்கள் கோரிக்கை. இந்த கவர்னர் வந்ததில் இருந்து மத்திய அரசின் ஏஜெண்டாக இருக்கிறார். இங்குள்ள அரசாங்கத்துக்கு முதுகெலும்பும் கிடையாது. சுயமரியாதையும் கிடையாது.

இந்த நாட்டில் நீதியை காப்பாற்றும் நீதிபதிகளும் இருக்கிறார்கள் என்பதை நீதிபதி கோபிநாத் நிரூபித்து இருக்கிறார். நக்கீரன் கோபாலை நெருங்கி மூக்கறுபட்ட நிலையில் இனிமேல் இதுபோன்ற சட்ட விரோதமான செயல்களில் தமிழக போலீசை ஈடுபடுத்தக் கூடாது.

இவ்வாறு அவர் கூறினார்.

தொடர்புடைய செய்திகள்

1. மோடி, எடப்பாடி பழனிசாமியை வீட்டுக்கு அனுப்புவோம் திருவாரூர், நாகை தேர்தல் பிரசாரத்தில் மு.க.ஸ்டாலின் பேச்சு
மோடி, எடப்பாடி பழனிசாமியை வீட்டுக்கு அனுப்புவோம் என்று திருவாரூர், நாகை தேர்தல் பிரசாரத்தில் மு.க.ஸ்டாலின் கூறினார்.
2. வேலூர் நாடாளுமன்ற தொகுதி தேர்தலை ரத்து செய்தது ஜனநாயக படுகொலை மு.க.ஸ்டாலின் பேட்டி
வேலூர் நாடாளுமன்ற தொகுதி தேர்தலை ரத்து செய்தது ஜனநாயக படுகொலை என மு.க.ஸ்டாலின் தெரிவித்தார்.
3. தமிழகத்தில், தி.மு.க. ஆட்சி அமைந்ததும் தேர்தல் அறிக்கையில் இடம்பெற்றுள்ள அனைத்தும் நிறைவேற்றப்படும் ஸ்டாலின் பேச்சு
தமிழகத்தில், தி.மு.க. ஆட்சி அமைந்ததும் தேர்தல் அறிக்கையில் இடம்பெற்றுள்ள அனைத்தும் நிறைவேற்றப்படும் என்று திருவாரூரில் இறுதிக்கட்ட பிரசாரத்தை நிறைவு செய்த மு.க.ஸ்டாலின் கூறினார்.
4. உண்மைக்கு மாறான தகவல்களை தெரிவித்து வரும் மு.க.ஸ்டாலின், ஈ.வி.கே.எஸ்.இளங்கோவன் மீது சட்டப்படி நடவடிக்கை எடுப்போம் - ஓ.பன்னீர்செல்வம் பரபரப்பு பேட்டி
உண்மைக்கு மாறான தகவல்களை தெரிவித்து வரும் மு.க.ஸ்டாலின், ஈ.வி.கே.எஸ்.இளங்கோவன் மீது சட்டப்படி நடவடிக்கை எடுப்போம் என்று தேனியில் ஓ.பன்னீர்செல்வம் தெரிவித்தார்.
5. அ.தி.மு.க. ஆட்சிக்கு அவப்பெயரை ஏற்படுத்த 35 ஆயிரம் போராட்டங்களை தூண்டிவிட்டவர் மு.க.ஸ்டாலின் எடப்பாடி பழனிசாமி பரபரப்பு குற்றச்சாட்டு
‘அ.தி.மு.க. ஆட்சிக்கு அவப்பெயரை ஏற்படுத்த 35 ஆயிரம் போராட்டங்களை தூண்டிவிட்டவர் மு.க.ஸ்டாலின்’ என்று முதல்-அமைச்சர் எடப்பாடி பழனிசாமி பரபரப்பு குற்றச்சாட்டை தெரிவித்துள்ளார்.