கஜா புயல்; திருவாரூர், காரைக்கால் மற்றும் நாகையில் மழை


கஜா புயல்; திருவாரூர், காரைக்கால் மற்றும் நாகையில் மழை
x
தினத்தந்தி 15 Nov 2018 1:14 PM GMT (Updated: 15 Nov 2018 1:14 PM GMT)

வங்க கடலில் உருவாகியுள்ள கஜா புயலால் திருவாரூர், காரைக்கால் மற்றும் நாகையில் மழை பெய்து வருகிறது.

சென்னை,

கஜா புயல் நாகையின் வடகிழக்கே 155 கி.மீ. தொலைவில் மையம் கொண்டுள்ளது. கரையை கடக்கும்போது 80 கி.மீ முதல் 90 கி.மீ வரை காற்று வீசும் சிலநேரத்தில் 110 கி.மீ. வேகத்தில் காற்று வீசக்கூடும் என இந்திய வானிலை ஆய்வு மையம் அறிவித்து உள்ளது.

இந்த நிலையில், வங்க கடலில் உருவாகியுள்ள கஜா புயலால் திருவாரூர், காரைக்கால் மற்றும் நாகையில் மழை பெய்து வருகிறது.

திருவாரூரின் ஆண்டிபந்தல், சன்னாநல்லூர், நன்னிலம், குடவாசல் உள்ளிட்ட பகுதிகளில் மழை பெய்து வருகிறது.  இதேபோன்று காரைக்காலில் கோட்டிச்சேரிமேடு, கிளிஞ்சல்மேடு, பட்டினச்சேரி உள்ளிட்ட பகுதிகளிலும், நாகையில் மயிலாடுதுறை, குத்தாலம், மணல்மேடு, மங்கைநல்லூர் உள்ளிட்ட பகுதிகளிலும் மழை பெய்து வருகிறது.

இதனால் வேதாரண்யம் மற்றும் சுற்று வட்டார பகுதிகளில் மின் விநியோகம் நிறுத்தப்பட்டு உள்ளன.  நாகையில் குடிசை, ஆஸ்பெஸ்டாஸ் வீடுகளில் வசிக்கும் மக்கள் முகாம்களுக்கு செல்லும்படி அறிவுறுத்தப்பட்டு உள்ளனர்.

Next Story