மாநில செய்திகள்

சேலம், கோவை நகர கியாஸ் வினியோக திட்டத்துக்கு பிரதமர் நரேந்திரமோடி 22-ந்தேதி அடிக்கல் நாட்டுகிறார் + "||" + Salem, Coimbatore For Gyas Distribution Project Prime Minister Narendra Modi On the 22nd he laid the foundation

சேலம், கோவை நகர கியாஸ் வினியோக திட்டத்துக்கு பிரதமர் நரேந்திரமோடி 22-ந்தேதி அடிக்கல் நாட்டுகிறார்

சேலம், கோவை நகர கியாஸ் வினியோக திட்டத்துக்கு பிரதமர் நரேந்திரமோடி 22-ந்தேதி அடிக்கல் நாட்டுகிறார்
பெட்ரோலியம் மற்றும் இயற்கை எரிவாயு ஒழுங்குமுறை வாரியம், சேலம் மற்றும் கோவை நகர கியாஸ் வினியோக திட்டத்திற்கு இந்தியன் ஆயில் கார்ப்பரேஷன் நிறுவனத்திற்கு உரிமம் வழங்கி உள்ளது.
சென்னை,

இந்த திட்டத்திற்கு வருகிற 22-ந்தேதி பிரதமர் நரேந்திர மோடி காணொலி காட்சி மூலம் அடிக்கல் நாட்டுகிறார் என்று இந்தியன் ஆயில் நிறுவன மாநிலத்தலைவர் சித்தார்த்தன் தெரிவித்தார்.

இதுகுறித்து சென்னையில் நேற்று நிருபர்களுக்கு அளித்த பேட்டியில் சித்தார்த்தன் கூறியதாவது:-


இந்தியா முழுவதும், 129 மாவட்டங்களில் அமைந்துள்ள 65 புவியியல் பகுதிகளில், 9-வது ஏலச்சுற்றில் பெட்ரோலியம் இயற்கை எரிவாயு ஒழுங்குமுறை வாரியத்தால் உரிமம் வழங்கப்பட்ட நகர எரிவாயு வினியோக திட்டங்களுக்கு பிரதமர் நரேந்திரமோடி வருகிற 22-ந்தேதி காணொலி காட்சி மூலம், டெல்லியில் இருந்து அடிக்கல் நாட்டுகிறார்.

இதில் இந்தியன் ஆயில் கார்ப்பரேஷன் நிறுவனம், தமிழ்நாட்டில் சேலம் மற்றும் கோவையில் இந்த திட்டங் களை செயல்படுத்த உள்ளது.

தமிழ்நாட்டில் மொத்தம் 10 மாவட்டங்களில் குழாய் மூலம் கியாஸ் வினியோகிக்கும் திட்டங்கள் 5 நிறுவனங்கள் மூலம் அமைக்கப்பட உள்ளன. சென்னை, திருவள்ளூர், காஞ்சீபுரம், கோவை, கடலூர், நாகை, திருவாரூர், ராமநாதபுரம், சேலம், திருப்பூர் மாவட்டங்களில் இந்த திட்டங்கள் அமைக்கப்படும்.

அழுத்தமேற்றப்பட்ட கியாஸ் (அதிக அளவில் வாகன எரிபொருளாக பயன்படுத்தப்படுவது), குழாயில் செலுத்தப்படும் கியாஸ் (வீடுகளில் பயன்படுத்தப்படுவது), வர்த்தக ரீதியான மற்றும் தொழில் நிறுவனங்களில் பயன்படுத்தப்படும் கியாஸ் என 4 பிரிவுகளில், குழாய்கள் மூலம் கியாசை வினியோகிப்பதே இத்திட்டத்தின் நோக்கமாகும்.

நகர கியாஸ் ‘நெட்வொர்க்’குகளை விரிவுபடுத்தும் வகையில், இறக்குமதி செய்யப்பட்ட கியாசை விட மலிவான விலையில், வீடுகளுக்கான சமையல் கியாஸ் மற்றும் போக்குவரத்துக்கான கியாசின் முழுத்தேவையையும் இத்திட்டம் மூலமாக ஈடு செய்ய பெட்ரோலியம் மற்றும் இயற்கை எரிவாயு அமைச்சகம் திட்டமிட்டு உள்ளது. இவ்வாறு அவர் கூறினார்.


தொடர்புடைய செய்திகள்

1. திருப்பூர், கோவை தொழில் வளர்ச்சியை கருத்தில் கொண்டு அவினாசி அருகே சர்வதேச விமான நிலையம் அமைக்க வேண்டும் - ஈ.ஆர்.ஈஸ்வரன் பேட்டி
திருப்பூர், கோவை தொழில் வளர்ச்சியை கருத்தில் கொண்டு அவினாசி அருகே சர்வதேச விமான நிலையம் அமைக்க வேண்டும் என்று ஈ.ஆர்.ஈஸ்வரன் கூறியுள்ளார்.
2. சேலம், கோவை உள்பட நாடு முழுவதும் 129 மாவட்டங்களில், குழாய் மூலம் சமையல் கியாஸ் வினியோகம்: பிரதமர் மோடி அடிக்கல் நாட்டினார்
சேலம், கோவை உள்பட நாடு முழுவதும் 129 மாவட்டங்களில், குழாய் மூலம் சமையல் கியாஸ் வினியோகம் செய்யும் திட்டத்துக்கு பிரதமர் மோடி அடிக்கல் நாட்டினார்.
3. சேலத்தில் மாற்றுத்திறனாளிகளுக்கு விளையாட்டு போட்டிகள் - 900 பேர் பங்கேற்பு
சேலத்தில் நடந்த மாற்றுத்திறனாளிகளுக்கான விளையாட்டு போட்டிகளில் 900 பேர் கலந்து கொண்டனர்.
4. சேலத்தில் மின்வாரிய ஒப்பந்த தொழிலாளர்கள் சாலை மறியல் - 182 பேர் கைது
சேலத்தில் சாலை மறியல் போராட்டம் நடத்திய மின்வாரிய ஒப்பந்த தொழிலாளர்கள் 182 பேரை போலீசார் கைது செய்தனர்.
5. கார் மோதியதால் 50 அடி உயர பாலத்தில் இருந்து தவறி விழுந்து முதியவர் பலி - கோவை பட்டதாரி கைது
சேலத்தில் கார் மோதியதில் 50 அடி உயர பாலத்தில் இருந்து தவறி விழுந்து முதியவர் பலியானார். இது தொடர்பாக கோவை பட்டதாரி கைது செய்யப்பட்டார்.