மாநில செய்திகள்

எஸ்.சி., எஸ்.டி. மாணவர்களுக்கான கல்வி உதவித்தொகையை 2 மாதங்களுக்குள் வழங்க வேண்டும் மத்திய அரசுக்கு, ஐகோர்ட்டு உத்தரவு + "||" + SC, ST Students Educational scholarships

எஸ்.சி., எஸ்.டி. மாணவர்களுக்கான கல்வி உதவித்தொகையை 2 மாதங்களுக்குள் வழங்க வேண்டும் மத்திய அரசுக்கு, ஐகோர்ட்டு உத்தரவு

எஸ்.சி., எஸ்.டி. மாணவர்களுக்கான
கல்வி உதவித்தொகையை 2 மாதங்களுக்குள் வழங்க வேண்டும்
மத்திய அரசுக்கு, ஐகோர்ட்டு உத்தரவு
எஸ்.சி., எஸ்.டி. மாணவர்களுக்கு வழங்கவேண்டிய கல்வி உதவித்தொகையை 2 மாதங்களுக்குள் வழங்க மத்திய அரசுக்கு, ஐகோர்ட்டு உத்தரவிட்டுள்ளது.
சென்னை,

சென்னை ஐகோர்ட்டில், அசோக்குமார் என்பவர் தாக்கல் செய்துள்ள மனுவில், ‘ஒவ்வொரு ஆண்டும் எஸ்.சி., எஸ்.டி., மாணவர்களுக்கு கல்வி உதவித் தொகையை வழங்கப்படவேண்டும். ஆனால், இந்த கல்வி உதவித் தொகை கடந்த சில ஆண்டுகளாக மாணவர்களுக்கு வழங்கப்படவில்லை. எனவே, மத்திய சமூக நீதி மற்றும் பாதுகாப்புத்துறை, தமிழக அரசு மூலம் இந்த உதவி தொகையை உடனே வழங்க உத்தரவிட வேண்டும்’ என்று கூறியிருந்தார்.

இந்த மனு நீதிபதிகள் எஸ்.மணிக்குமார், சுப்பிரமணியம் பிரசாத் ஆகியோர் முன்பு விசாரணைக்கு வந்தது.

மத்திய அரசுக்கு கடிதம்

அப்போது தமிழக அரசின் சார்பில் ஆஜரான வக்கீல், ‘கல்வி உதவித் தொகை ரூ.1,546 கோடியை தமிழக அரசுக்கு மத்திய அரசு வழங்காமல் உள்ளது. அந்த தொகையை கேட்டு மத்திய அரசுக்கு தமிழக அரசு கடிதம் எழுதியுள்ளது’ என்று கூறினார்.

மத்திய அரசு சார்பில் ஆஜரான வக்கீல், ‘எஸ்.சி., எஸ்.டி., மாணவர்களுக்கு வழங்கப்படும் கல்வி உதவித் தொகைக்கு கூடுதலாக ரூ.4 ஆயிரம் ஒதுக்க வேண்டும் என்று மத்திய நிதி அமைச்சகத்திடம் மத்திய சமூக நீதி துறை கோரிக்கை விடுத்துள்ளது’ என்றார்.

வழங்க வேண்டும்

இருதரப்பு வாதங்களையும் கேட்டறிந்த நீதிபதிகள் பிறப்பித்த உத்தரவில், ‘எஸ்.சி., எஸ்.டி., மாணவர்களுக்கான கல்வி மேம்பாட்டுக்காக வழங்கப்படும் நிதி, மத்திய அரசால் வழங்கப்படவில்லை என்ற பெரிய குற்றச்சாட்டு எழுந்துள்ளது. இதனால், கடந்த 2 ஆண்டுகளாக கல்வி உதவித்தொகை கிடைக்காமல், மாணவர்கள் அவதிப்படுகின்றனர். எனவே, கடந்த 2016-17-ம் கல்வி ஆண்டுக்கான நிதி ரூ.822.91 கோடியையும், 2017-18-ம் கல்வி ஆண்டுக்கான நிதி ரூ.162 கோடியையும் மத்திய சமூக நீதி மற்றும் பாதுகாப்புத்துறை 2 மாதங்களுக்குள் தமிழக அரசுக்கு வழங்க வேண்டும். இந்த உதவித்தொகையை மாணவர்களுக்கு தமிழக அரசு ஒரு மாதத்துக்குள் வழங்கவேண்டும்’ என்று கூறியுள்ளனர்.


தொடர்புடைய செய்திகள்

1. கர்நாடகத்தில் வசிக்கும் எஸ்.சி., எஸ்.டி. மாணவர்கள் வெளிநாடுகளில் கல்வி பயில நிதி உதவி திட்டத்தை பரமேஸ்வர் தொடங்கி வைத்தார்
கர்நாடகத்தில் வசிக்கும் எஸ்.சி., எஸ்.டி. மாணவர்கள் வெளிநாடுகளில் கல்வி பயில நிதி உதவி வழங்கும் திட்டத்தை துணை முதல்-மந்திரி பரமேஸ்வர் தொடங்கி வைத்தார்.
2. எஸ்.சி., எஸ்.டி., வகுப்பினருக்கு பதவி உயர்வில் இட ஒதுக்கீடு உண்டா? - 7 பேர் அமர்வுக்கு மாற்ற சுப்ரீம் கோர்ட்டு மறுப்பு
எஸ்.சி., எஸ்.டி., வகுப்பினருக்கு பதவி உயர்வில் இட ஒதுக்கீடு வழங்கும் பிரச்சினை தொடர்பான 2006-ம் ஆண்டு தீர்ப்பை, 7 நீதிபதிகள் அமர்வின் பரிசீலனைக்கு அனுப்ப சுப்ரீம் கோர்ட்டு மறுத்து விட்டது.
3. எஸ்.சி., எஸ்.டி.க்கு எதிரான வன்கொடுமை பிரச்சினை: மத்திய அரசின் சட்ட திருத்தத்துக்கு தடை விதிக்க முடியாது
எஸ்.சி., எஸ்.டி. பிரிவினருக்கு எதிரான வன்கொடுமை தடுப்புச் சட்டத்தில் மத்திய அரசு கொண்டு வந்த திருத்தங்களுக்கு தடை விதிக்க முடியாது என்று சுப்ரீம் கோர்ட்டு உத்தரவிட்டது.
4. எஸ்.சி., எஸ்.டி., வகுப்பினரில் வசதி படைத்தவர்களுக்கு இட ஒதுக்கீட்டின் பலனை மறுக்க முடியாது - மத்திய அரசு திட்டவட்டம்
எஸ்.சி., எஸ்.டி., வகுப்பை சேர்ந்தவர்களில் வசதி படைத்தவர்களுக்கு இட ஒதுக்கீட்டின் பலன்களை மறுக்க முடியாது என சுப்ரீம் கோர்ட்டில் மத்திய அரசு திட்டவட்டமாக கூறியது.