மாநில செய்திகள்

கஜா புயல்: நிவாரணம் கோரி திருவாரூரில் சாலை மறியல்; 1 மணிநேரம் போக்குவரத்து பாதிப்பு + "||" + Ghaja storm: demanding relief for victims by road blockade; 1 hour traffic impact

கஜா புயல்: நிவாரணம் கோரி திருவாரூரில் சாலை மறியல்; 1 மணிநேரம் போக்குவரத்து பாதிப்பு

கஜா புயல்:  நிவாரணம் கோரி திருவாரூரில் சாலை மறியல்; 1 மணிநேரம் போக்குவரத்து பாதிப்பு
கஜா புயலால் பாதிக்கப்பட்ட அனைவருக்கும் நிவாரணம் வழங்கிட கோரி திருவாரூர் அருகே சாலை மறியல் போராட்டம் நடத்தப்பட்டது.
திருவாரூர்,

தமிழகத்தில் கடந்த வருடம் நவம்பர் 16ந்தேதி கஜா புயல் கடலோர மாவட்டங்களை புரட்டி போட்டது.  இதில் திருவாரூர், கடலூர், புதுக்கோட்டை மற்றும் நாகை உள்ளிட்டவை அதிக பாதிப்பிற்கு உள்ளாகின.

கஜா புயலின் தாக்குதலால் பல லட்சம் தென்னை, பலா மற்றும் பழமையான மரங்கள் வேரோடு சாய்ந்தன.  வாழை, கரும்பு, நெல் உள்ளிட்ட பயிர்களும் நாசமாகின.  லட்சத்துக்கும் மேற்பட்ட மின்கம்பங்கள் சாய்ந்தன. மேலும் மின்மாற்றிகள், துணை மின் நிலையங்களிலும் பெரும் சேதம் ஏற்பட்டது.

ஆயிரக்கணக்கான மக்கள் தங்கள் வீடுகள் மற்றும் உடைமைகளை இழந்து முகாம்களில் தங்கினர்.  பொதுமக்களின் இயல்பு வாழ்க்கை முற்றிலும் முடங்கி போனது.  அதன்பின் நிவாரண பணிகள் போர்க்கால அடிப்படையில் நடந்தன.  அத்தியாவசிய பொருட்கள் உள்ளிட்டவை உடனடியாக வழங்கப்பட்டன.  எனினும் மக்கள் புயல் பாதிப்பில் இருந்து இன்னும் முழுமையாக மீளவில்லை என கூறப்படுகிறது.

இந்த நிலையில், கஜா புயலால் பாதிக்கப்பட்ட அனைவருக்கும் நிவாரணம் வழங்கிட கோரி திருவாரூர் அருகே அடியக்கமங்கலம் ஊராட்சியில் இன்று சாலை மறியல் போராட்டம் நடத்தப்பட்டது. இதில் நூற்றுக்கும் மேற்பட்டோர் பங்கேற்றனர்.

இதனை அடுத்து தகவல் அறிந்து வந்த காவல் துறையினர், போராட்டக்கார‌ர்களிடம் பேச்சுவார்த்தை நடத்தினர். அதன்பின் இதுபற்றி உரிய நடவடிக்கை எடுப்பதாக உறுதி அளித்த‌தை தொடர்ந்து போராட்டம் கைவிடப்பட்டது. இந்த மறியல் போராட்டத்தால், திருவாரூரில் இருந்து நாகப்பட்டினம் செல்லும் தேசிய நெடுஞ்சாலையில், 1 மணிநேரம் போக்குவரத்து பாதிப்பு ஏற்பட்டது.

தொடர்புடைய செய்திகள்

1. சேதம் அடைந்த வீட்டை கஜா புயல் நினைவு வீடாக மாற்றிய விவசாயி- நிவாரணம் கிடைக்காததால் விரக்தி
நிவாரணம் கிடைக்காத விரக்தியில் புயலில் சேதம் அடைந்த தனது வீட்டை கஜா புயல் நினைவு வீடாக விவசாயி ஒருவர் மாற்றி உள்ளார்.
2. கர்நாடகாவில் தேசிய நெடுஞ்சாலையில் பெரிய அளவில் வெடிப்பு; போக்குவரத்து பாதிப்பு
கர்நாடகாவின் பெலகாவியில் தேசிய நெடுஞ்சாலையில் பெரிய அளவில் வெடிப்பு ஏற்பட்டு போக்குவரத்து பாதிக்கப்பட்டு உள்ளது.
3. கஜா புயல்; தற்காலிக வீடுகளை போர்க்கால அடிப்படையில் வழங்க தமிழக அரசுக்கு உயர்நீதிமன்றம் அறிவுறுத்தல்
கஜா புயலால் பாதிப்படைந்தோருக்கு தற்காலிக வீடுகளை போர்க்கால அடிப்படையில் வழங்க தமிழக அரசுக்கு உயர்நீதிமன்றம் அறிவுறுத்தி உள்ளது.
4. அந்தியூர் அருகே, நடுரோட்டில் நின்று ஒற்றை யானை அட்டகாசம் - போக்குவரத்து பாதிப்பு
அந்தியூர் அருகே நடுரோட்டில் நின்று அட்டகாசம் செய்த ஒற்றை யானையால் போக்குவரத்து பாதிக்கப்பட்டது.
5. மும்பையில் கன மழை: போக்குவரத்து கடுமையாக பாதிப்பு
மும்பையில் இன்று காலை முதல் கனமழை கொட்டி வருகிறது. இதனால், நகரின் பெரும்பாலான இடங்களில் போக்குவரத்து நெரிசல் ஏற்பட்டுள்ளது.