மக்களவைத் தேர்தலில் போட்டி: கமல்ஹாசனுக்கு, ரஜினிகாந்த் வாழ்த்து

சென்னை,

மக்களவைத் தேர்தல் வரும் மே மாதம் நடைபெற உள்ளது. மேலும் மக்களவைத் தேர்தலில் கூட்டணி பேச்சுவார்த்தைகள் நடைபெற்று வருகிறது.

மக்களவைத் தேர்தலில் 40 தொகுதிகளிலும் மக்கள் நீதி மய்யம் போட்டியிடலாம் என்று கமல்ஹாசன் தெரிவித்துள்ளார்.

இந்நிலையில் நடிகர் ரஜினிகாந்த் தனது டுவிட்டரில் கமல்ஹாசனுக்கு வாழ்த்து தெரிவித்து பதிவிட்டுள்ளார். அதில், “ கட்சி ஆரம்பித்து 2-ம் ஆண்டில், தேர்தலில் முதல் முறையாக போட்டியிட போகும் மக்கள் நீதி மய்ய தலைவர், என் நண்பர் கமல்ஹாசன் பொது வாழ்விலும் வெற்றி பெற என் மனமார்ந்த நல்வாழ்த்துகள்” என்று அவர் கூறியுள்ளார்.

இது குறித்து நன்றி தெரிவித்த கமல்ஹாசன் தனது டுவிட்டர் பதிவில், “நன்றி ரஜினிகாந்த், என் 40 ஆண்டு கால நண்பரே. நல்லவர் துணை நின்றால் நாற்பது எளிதே. நாளை நமதே” என்று கூறியுள்ளார்.