கோவை: சூலூர் தொகுதி அதிமுக எம்.எல்.ஏ கனகராஜ் மாரடைப்பால் மரணம்

உயிரிழந்த கனகராஜ் உடலுக்கு அஞ்சலி செலுத்துவதற்காக, சுல்தான்பேட்டையில் உள்ள அவரது வீட்டில் தொண்டர்கள் குவிந்து வருகின்றனர். கனகராஜுக்கு ரத்தினம் என்ற மனைவியும் ஒரு மகனும், ஒரு மகளும் உள்ளனர். 

தமிழக சட்டப்பேரவையில் ஏற்கனவே 21 தொகுதிகள் காலியாக உள்ள நிலையில், 18 தொகுதிகளுக்கு வரும் ஏப்ரல் 18 ஆம் தேதி தேர்தல் நடைபெற உள்ளது. கனகராஜ் எம்.எல்.ஏ மறைவு மூலம் தமிழக சட்டப்பேரவையில் காலியிடம் 22 ஆக உயர்ந்துள்ளது. கடந்த 2016- ஆம் ஆண்டு  நடைபெற்ற சட்டப்பேரவை தேர்தலில், சுமார் 35 ஆயிரம் வாக்குகள் வித்தியாசத்தில் கனகராஜ் வெற்றி பெற்று இருந்தார்.