பானி புயல் காரணமாக இன்று முதல் வரும் 6-ம் தேதி வரை 9 விரைவு ரெயில்கள் ரத்து - தெற்கு ரெயில்வே

பானி புயல் ஒடிசா மாநிலத்தில் கரையை கடக்கும் என்று அறிவிக்கப்பட்டதும் சென்னையிலிருந்து அம்மார்க்கமாக கொல்கத்தா வரையிலான ரெயில்களின் சேவை நிறுத்தப்பட்டது.

ஒடிசா மாநிலத்தில் இயக்கும் ரெயில்களின் சேவை பாதிக்கப்பட்டது. இப்போது பானி புயல் காரணமாக இன்று முதல் வரும் 6-ம் தேதி வரை 9 விரைவு ரெயில்கள் ரத்து செய்யப்படுகிறது என தெற்கு ரெயில்வே அறிவித்துள்ளது.  இன்று இயக்கப்பட இருந்த நியூ ஜல்பைகுரி - சென்னை சென்ட்ரல், கவுகாத்தி - தாம்பரம் விரைவு ரெயில்கள் ரத்து செய்யப்படுகிறது. நாளை ஹால்தியா - சென்னை சென்ட்ரல், ஹவுரா - சென்னை சென்ட்ரல், ஹவுரா - யஸ்வந்த்பூர், சென்னை சென்ட்ரல் - ஹவுரா, ஹவுரா - எர்ணாகுளம் விரைவு ரெயில்கள் ரத்து செய்யப்படுகிறது. நாளை மறுநாள் தாம்பரம் - கவுகாத்தி விரைவு ரெயில் ரத்து செய்யப்படுகிறது என தெரிவிக்கப்பட்டுள்ளது.