மாநில செய்திகள்

ஒளிந்து விளையாடுவதற்காக மரப்பெட்டிக்குள் நுழைந்த சிறுமி மூச்சுத்திணறி மரணம் + "||" + To hunt play Entered into the wooden box Child's breathing death

ஒளிந்து விளையாடுவதற்காக மரப்பெட்டிக்குள் நுழைந்த சிறுமி மூச்சுத்திணறி மரணம்

ஒளிந்து விளையாடுவதற்காக மரப்பெட்டிக்குள் நுழைந்த சிறுமி மூச்சுத்திணறி மரணம்
சென்னையில், ஒளிந்து விளையாடுவதற்காக மரப்பெட்டிக்குள் நுழைந்தபோது மூடிக் கொண்டதில், சிறுமி மூச்சுத்திணறி பரிதாபமாக உயிரிழந்தார்.
சென்னை,

திருவான்மியூர் திருவள்ளுவர் நகரைச் சேர்ந்த திருப்பதி சாமி என்பவரும் அவரது மனைவியும் நேற்று வழக்கம் போல் வேலைக்குச் சென்று விட்டனர். அவர்களது இரு பெண் குழந்தைகளான தனஸ்ரீ, சாருலதா ஆகியோர் மட்டும் வீட்டில் இருந்துள்ளனர்.

வேலை முடிந்து வீடு திரும்பியபோது இரு மகள்களும் இல்லாததைக் கண்டு அதிர்ச்சி அடைந்த திருப்பதிசாமி அவர்களை தேடியுள்ளார். வீட்டின் மாடியில் இருந்த மரப்பெட்டியில் இருந்து சத்தம் வரவே திறந்து பார்த்தபோது, இரு குழந்தைகளும் வாந்தி எடுத்தபடி மயங்கிக் கிடந்துள்ளனர்.

இதை அடுத்து அவர்கள் மருத்துவமனையில் அனுமதிக்கப்பட்ட நிலையில், தனஸ்ரீ சிகிச்சை பலனின்றி உயிரிழந்தார். சாருலதாவுக்கு தனியார்  மருத்துவமனையில் தீவிர சிகிச்சை அளிக்கப்பட்டு வருகிறது. விளையாட்டின் போது, இரு குழந்தைகளும் மரப்பெட்டிக்குள் அமர்ந்துள்ளனர்.

பெட்டியை மூடுகையில், தாளிட்டுக் கொண்டது. இதன் காரணமாக இரு குழந்தைகளுக்கும் மூச்சுத்திணறல் ஏற்பட்டுள்ளது. இதுகுறித்து திருவான்மியூர் போலீசார் வழக்குப்பதிவு செய்து விசாரணை மேற்கொண்டு வருகின்றனர். குழந்தைகளை வீட்டில் தனியாக விட்டுச் செல்லும் பெற்றோர், கவனமுடன் இருக்க வேண்டும் என்பதை இந்த சோகச் சம்பவம் எடுத்துரைத்துள்ளது.

தொடர்புடைய செய்திகள்

1. இந்த சீசனில் கடந்த 24 மணி நேரத்தில் சென்னையில் அதிக மழை பதிவாகி உள்ளது
இந்த சீசனில் கடந்த 24 மணி நேரத்தில் சென்னையில் அதிக மழை பதிவாகி உள்ளது என்று வானிலை வல்லுநர்கள் கணித்துள்ளனர்.
2. களைகட்டிய இடைத்தேர்தல் பிரசாரம்..! -அமைச்சர் கருப்பண்ணன் உற்சாகமாக நடனம்
தமிழகம் மற்றும் புதுச்சேரியில் மூன்று சட்டப்பேரவைத் தொகுதிகளுக்கான இடைத்தேர்தல் பிரசாரம் களைகட்டியுள்ளது. அமைச்சர் கே.சி.கருப்பண்ணன் நடனமாடி வாக்கு சேகரித்தார்.
3. சென்னையில் நாட்டு வெடிகுண்டு வீசி பெண் வழக்கறிஞர் மீது நாட்டு வெடிகுண்டு வீச்சு: பழிக்குப்பழி தீர்க்க கொலை முயற்சி
சென்னை ரிச்சி தெருவில் அரிவாளால் வெட்டியும், நாட்டு வெடிகுண்டு வீசியும் பெண் வழக்கறிஞரை கொல்ல முயற்சி.
4. கணவனின் முதல் மனைவியின் ஆறு வயது குழந்தையை மாடியில் இருந்து வீசி கொலை செய்த சித்தி
கணவனின் முதல் மனைவியின் குழந்தை என்பதால் சொந்த சித்தியே ஆறு வயது சிறுமியை மாடியில் இருந்து வீசி கொலை செய்த சம்பவம் அதிர்ச்சியை ஏற்படுத்தியுள்ளது.
5. அரசு போக்குவரத்துத் துறைக்கு ஜெர்மன் வளர்ச்சி வங்கி ரூ.1,600 கோடி கடனுதவி
அரசு போக்குவரத்துத் துறைக்கு ஜெர்மன் வளர்ச்சி வங்கி ரூ.1,600 கோடி கடனுதவி வழங்கி உள்ளது.