மாநில செய்திகள்

காஞ்சீபுரம் போலீஸ் சூப்பிரண்டு உள்பட தமிழக அதிகாரிகள் 4 பேர் சி.பி.ஐ.க்கு மாற்றம் + "||" + Four persons, including Kanchipuram Police Superintendent, were transferred to CBI

காஞ்சீபுரம் போலீஸ் சூப்பிரண்டு உள்பட தமிழக அதிகாரிகள் 4 பேர் சி.பி.ஐ.க்கு மாற்றம்

காஞ்சீபுரம் போலீஸ் சூப்பிரண்டு உள்பட தமிழக அதிகாரிகள் 4 பேர் சி.பி.ஐ.க்கு மாற்றம்
காஞ்சீபுரம் போலீஸ் சூப்பிரண்டு உள்பட தமிழக அதிகாரிகள் 4 பேர் சி.பி.ஐ.க்கு மாற்றம் செய்யப்பட்டுள்ளனர்.
சென்னை, 

மத்திய உள்துறை செயலாளர் எஸ்.பி.ஆர்.திரிபாதி பிறப்பித்துள்ள உத்தரவில், காஞ்சீபுரம் போலீஸ் சூப்பிரண்டு சந்தோஷ் ஹதிமானி, தூத்துக்குடி சூப்பிரண்டு முரளி ரம்பா, பெண்கள் மற்றும் குழந்தைகளுக்கு எதிரான குற்றப்பிரிவு சூப்பிரண்டு சோனல் சந்த்ரா, தமிழக ஐ.ஆர்.எஸ். அதிகாரி வித்யூத் விகாஷ் ஆகிய 4 பேர் சி.பி.ஐ.க்கு மாற்றம் செய்யப்படுகிறார்கள் என்று கூறப்பட்டு உள்ளது.

தூத்துக்குடி போலீஸ் சூப்பிரண்டு முரளி ரம்பா 2011-ம் ஆண்டு பேட்ஜ் ஐ.பி.எஸ். அதிகாரி ஆவார். நீலகிரி மாவட்ட சூப்பிரண்டாக இருந்த இவர் ஸ்டெர்லைட் கலவரத்துக்கு பின்னர் தூத்துக்குடி மாவட்ட சூப்பிரண்டாக மாற்றப்பட்டார். காஞ்சீபுரம் சூப்பிரண்டு சந்தோஷ் ஹதிமானியும் 2011-ம் ஆண்டு பேட்ஜ் ஐ.பி.எஸ். அதிகாரி ஆவார்.

பெண்கள் மற்றும் குழந்தைகளுக்கு எதிரான குற்றப்பிரிவு சூப்பிரண்டு சோனல் சந்த்ரா 2008-ம் ஆண்டு பேட்ஜ் ஐ.பி.எஸ். அதிகாரி. ஐ.ஆர்.எஸ். அதிகாரியான வித்யூத் விகாசும் 2008-ம் ஆண்டு பேட்ஜை சேர்ந்தவர்.

உத்தரவு நகல் கிடைத்த உடன், அவர்கள் மத்திய அயல் பணிக்கு திரும்புவார்கள். அடுத்த 4 ஆண்டுகள் அவர்கள் அந்த பணியில் ஈடுபடுவார்கள் என்று அந்த உத்தரவில் தெரிவிக்கப்பட்டு உள்ளது. 4 பேரும் தங்களை மத்திய அயல் பணியில் சேர்த்துக் கொள்ளுமாறு விடுத்த கோரிக்கையின் அடிப்படையில் இதற்கான உத்தரவு பிறப்பிக்கப்பட்டு இருக்கிறது.

தொடர்புடைய செய்திகள்

1. வங்காளதேசம்: ரோஹிங்கியா மக்களை வங்கக் கடலில் உள்ள தீவிற்கு இடமாற்றம் செய்ய முடிவு
வங்காளதேசத்தில் அகதிகள் முகாம்களில் தங்கவைக்கப்பட்டுள்ள ஆயிரக்கணக்கான ரோஹிங்கியா மக்களை வங்கக்கடலில் உள்ள தீவிற்கு இடமாற்றம் செய்ய வங்காளதேச அரசு முடிவு செய்துள்ளது.
2. திருச்சி மத்திய சிறையில் திடீர் மோதல் வார்டரை தாக்கிய கைதிகளால் பரபரப்பு போலீசார் விசாரணை
திருச்சி மத்திய சிறையில் நடந்த திடீர் மோதலில் வார்டரை 3 கைதிகள் தாக்கியதால் பரபரப்பு ஏற்பட்டது. இதுபற்றிய புகாரின் பேரில் 3 கைதிகள் மீதும் வழக்குப்பதிவு செய்து போலீசார் விசாரணை நடத்தி வருகிறார்கள்.
3. குமரி மாவட்டத்தில் 8 தாசில்தார்கள் இடமாற்றம்
குமரி மாவட்டத்தில் 8 தாசில்தார்கள் இடமாற்றம் செய்யப்பட்டுள்ளனர். மேலும், 4 துணை தாசில்தார்களுக்கு பதவி உயர்வு வழங்கப்பட்டுள்ளது.
4. 200 சி.பி.ஐ. ஊழியர்கள் இடமாற்றம்
200 சி.பி.ஐ. ஊழியர்கள் இடமாற்றம் செய்யப்பட்டனர்.
5. கிராம நிர்வாக அலுவலர்கள் இடமாற்றம்
மாவட்டத்தில் பொது கலந்தாய்வு மூலம் கிராம நிர்வாக அலுவலர்கள் இடமாற்றம் செய்யப்பட்டுள்ளனர்.