மாநில செய்திகள்

மு.க.ஸ்டாலினுக்கு எதிரான வழக்கு: ஐகோர்ட்டில் அமைச்சர் வேலுமணி வாபஸ் + "||" + Case against MK Stalin: Minister Velumani withdraws from highcourt

மு.க.ஸ்டாலினுக்கு எதிரான வழக்கு: ஐகோர்ட்டில் அமைச்சர் வேலுமணி வாபஸ்

மு.க.ஸ்டாலினுக்கு எதிரான வழக்கு: ஐகோர்ட்டில் அமைச்சர் வேலுமணி வாபஸ்
ஐகோர்ட்டில் தி.மு.க தலைவர் மு.க.ஸ்டாலினுக்கு எதிரான வழக்கினை அமைச்சர் வேலுமணி வாபஸ் பெற்றார்.
சென்னை,

தமிழக உள்ளாட்சி துறை அமைச்சர் எஸ்.பி.வேலுமணி, சென்னை ஐகோர்ட்டில் கடந்த ஏப்ரல் மாதம் ஒரு வழக்கு தொடர்ந்தார். அதில், ‘பொள்ளாச்சி பாலியல் சம்பவம் தொடர்பாக போலீசார் வழக்குப்பதிவு செய்து பலரை கைது செய்துள்ளனர். ஆனால், அந்த குற்றவாளிகளை காப்பாற்ற நான் முயற்சிப்பதாக நாடாளுமன்ற தேர்தல் பிரசாரத்தில் ஆதாரமற்ற குற்றச்சாட்டை சுமத்தி தி.மு.க. தலைவரும், எதிர்கட்சித் தலைவருமான மு.க.ஸ்டாலின் பேசுகிறார்.


அதேபோல, உள்ளாட்சி அமைப்புகளில் உள்ள ஒப்பந்த பணிகள் எல்லாம் எனது உறவினர்களுக்கு வழங்குவதாக ஆதாரமற்ற அவதூறு பிரசாரம் செய்கிறார். எனவே, என் நற்பெயருக்கு களங்கம் ஏற்படுத்திய மு.க.ஸ்டாலின், எனக்கு ரூ.1 கோடி மானநஷ்ட ஈடு வழங்க உத்தரவிட வேண்டும்’ என்று கூறியிருந்தார்.

மேலும், ‘நாடாளுமன்ற தேர்தலில் தன்னை பற்றி அவதூறாக, ஆதாரமற்ற குற்றச்சாட்டை சுமத்தி பேசுவதற்கு மு.க.ஸ்டாலினுக்கு தடை விதிக்கவேண்டும்’ என்று இடைக்கால மனு ஒன்றை அமைச்சர் வேலுமணி தரப்பில் தாக்கல் செய்யப்பட்டது. இந்த இடைக்கால மனுவை விசாரித்த நீதிபதி ஆர்.சுப்பிரமணியன், ‘மு.க.ஸ்டாலின் பேசுவதற்கு தடை விதிக்க முடியாது’ என்று உத்தரவிட்டார்.

இந்த நிலையில், இந்த வழக்கு நீதிபதி முன்பு விசாரணைக்கு வந்தது. அப்போது, மு.க.ஸ்டாலின் பேசுவதற்கு தடை கேட்ட இடைக்கால மனுவை வாபஸ் பெற்றுக்கொள்வதாக அமைச்சர் வேலுமணி தரப்பில் ஆஜரான வக்கீல் ராஜா சீனிவாசன் கூறினார். இதை ஏற்றுக்கொண்ட நீதிபதி, மனுவை திரும்பப்பெற அனுமதித்து தள்ளுபடி செய்து உத்தரவிட்டார்.


தொடர்புடைய செய்திகள்

1. தி.மு.க. மீது மீண்டும், மீண்டும் பழிபோடுவதை நிறுத்தவேண்டும் - மு.க.ஸ்டாலின்
நீட் தேர்வு மசோதாவுக்கு ஜனாதிபதி ஒப்புதல் பெறமுடியாமல் கோட்டை விட்ட வரலாற்று பிழை யை மறைக்க தி.மு.க. மீது மீண்டும், மீண்டும் பழி போடுவதை நிறுத்தவேண்டும் என்று மு.க.ஸ்டாலின் எச்சரிக்கை விடுத்துள்ளார்.
2. வேலூர் நாடாளுமன்ற தொகுதிக்கான தேர்தல் அறிவிக்கப்பட்ட பிறகு அறிவிப்புகள் வெளியிடலாமா? மு.க.ஸ்டாலின் எதிர்ப்பு
சட்டசபையில் கேள்வி நேரம் முடிந்ததும், எதிர்க்கட்சித்தலைவர் மு.க.ஸ்டாலின், வேலூர் நாடாளுமன்ற தேர்தல் சம்பந்தமாக அரசின் கவனத்தை ஈர்த்து பேசினார். அப்போது நடந்த விவாதம் வருமாறு:-
3. மத்திய பட்ஜெட்: ஏழை எளிய நடுத்தர மக்களுக்கு கசப்பு, கார்ப்பரேட்டுகளுக்கு இனிப்பு - மு.க.ஸ்டாலின்
மத்திய பட்ஜெட், ஏழை எளிய நடுத்தர மக்களுக்கு கசப்பையும், கார்ப்பரேட்டுகளுக்கு இனிப்பையும் வழங்கியிருக்கிறது என்று திமுக தலைவர் ஸ்டாலின் கூறியுள்ளார்.
4. தீர்ப்புகள் வெளிவரும் மொழிப்பட்டியலில் தமிழ் மொழியை அவசியம் சேர்க்க வேண்டும் -மு.க.ஸ்டாலின்
உச்சநீதிமன்ற தீர்ப்புகள் வெளிவரும் மொழிப்பட்டியலில் தமிழ் மொழியை அவசியம் சேர்க்க வேண்டும் என மு.க.ஸ்டாலின் வேண்டுகோள் விடுத்து உள்ளார்.
5. "ஒரே நாடு ஒரே ரேசன் அட்டை" உள்ளிட்ட அறிவிப்புகளை மத்திய அரசு உடனடியாக கைவிட வேண்டும் - மு.க.ஸ்டாலின்
"ஒரே நாடு ஒரே ரேசன் அட்டை" உள்ளிட்ட அறிவிப்புகளை மத்திய அரசு உடனடியாக கைவிட வேண்டும் என திமுக தலைவர் ஸ்டாலின் வலியுறுத்தியுள்ளார்.