<
மாநிலங்களவை தேர்தல்: திமுக வேட்பாளர்கள் சண்முகம், வில்சன், வைகோ -6-ம் தேதி வேட்பு மனுத்தாக்கல்
மாநிலங்களவை தேர்தலுக்கான திமுக வேட்பாளர்கள் சண்முகம், வில்சன், வைகோ வரும் 6-ம் தேதி வேட்பு மனுத்தாக்கல் செய்ய உள்ளதாக தகவல்கள் தெரிவிக்கின்றன.
சென்னை,
தமிழகத்தில் இருந்து பாராளுமன்ற மேல்-சபைக்கு 6 எம்.பி.க்களை தேர்வு செய்ய வருகிற 18-ந் தேதி தேர்தல் நடைபெறும் என்று அறிவிக்கப்பட்டுள்ளது.
சட்டசபையில் உள்ள எம்.எல்.ஏ.க்களின் எண்ணிக்கை அடிப்படையில் அ.தி.மு.க. சார்பில் 3 எம்.பி.க்களையும், தி.மு.க. சார்பில் 3 எம்.பி.க்களையும் போட்டியின்றி எளிதாக தேர்வு செய்ய முடியும்.
அ.தி.மு.க. சார்பில் பா.ம.க.வுக்கு ஒரு இடம் ஒதுக்கப்படுகிறது. அந்த இடம் அன்புமணிக்கு வழங்கப்படுகிறது. தி.மு.க.வில் ம.தி.மு.க. பொதுச்செயலாளர் வைகோவுக்கு 1 இடம் தருவதாக ஒப்பந்தம் செய்யப்பட்டுள்ளது.
ம.தி.மு.க. சார்பில் நிறுத்தப்படும் வேட்பாளர் யார்? என்பதை முடிவு செய்ய எழும்பூர் தாயகத்தில் இன்று கட்சியின் உயர் மட்ட குழு கூட்டம் வைகோ தலைமையில் நடைபெற்றது.
இந்த கூட்டத்தில் ம.தி.மு.க. வேட்பாளராக பொதுச்செயலாளர் வைகோ போட்டியிட ஒரு மனதாக முடிவுசெய்யப்பட்டு உள்ளது.
இந்நிலையில், மாநிலங்களவை தேர்தலுக்கான திமுக வேட்பாளர்கள் சண்முகம், வில்சன் வரும் 6-ம் தேதி வேட்பு மனுத்தாக்கல் செய்ய உள்ளனர். அன்றைய தினமே மதிமுகவில் இருந்து தேர்வு செய்யப்பட்டுள்ள வைகோவும் வேட்பு மனுத்தாக்கல் செய்ய உள்ளதாக தகவல்கள் தெரிவிக்கின்றன.
கூட்டாட்சி தத்துவத்திற்கு எதிராக செயல்படும் பாஜக அரசின் போக்கை தடுத்து நிறுத்த திமுகவோடு மதிமுக கரம் கோர்த்து பணியாற்றும் என்று மதிமுக பொதுச்செயலாளர் வைகோ கூறியுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
