பட்ஜெட்டில் இறக்குமதி வரி உயர்வு எதிரொலி: தங்கம் விலை பவுனுக்கு ரூ.512 அதிகரிப்பு

சென்னை, 

நேற்று முன்தினம் ஒரு கிராம் தங்கம் ரூ.3 ஆயிரத்து 255-க்கும், ஒரு பவுன் ரூ.26 ஆயிரத்து 40-க்கும் விற்பனை செய்யப்பட்டது. நேற்று மாலை நேர நிலவரப்படி, ஒரே நாளில் கிராமுக்கு ரூ.64-ம், பவுனுக்கு ரூ.512-ம் அதிகரித்து, ஒரு கிராம் ரூ.3 ஆயிரத்து 319-க்கும், ஒரு பவுன் ரூ.26 ஆயிரத்து 552-க்கும் விற்பனை ஆனது.

இந்த மாத தொடக்கத்தில் இருந்து நேற்று வரை மட்டும் கிராமுக்கு ரூ.103-ம், பவுனுக்கு ரூ.824-ம் அதிகரித்து இருக்கிறது. பொதுவாக தங்கம் விலை உயரும் போது, வெள்ளி விலையும் அதிகரிக்கும். ஆனால் நேற்று இதற்கு எதிர்மாறாக வெள்ளி விலை குறைந்து காணப்பட்டது. கிராமுக்கு 20 காசும், கிலோவுக்கு ரூ.200-ம் குறைந்து, ஒரு கிராம் 40 ரூபாய் 30 காசுக்கும், ஒரு கிலோ ரூ.40 ஆயிரத்து 300-க்கும் விற்பனை செய்யப்பட்டது.