<
33வது நாள் : கரும்பச்சை வண்ண பட்டு அலங்காரத்தில் நின்ற கோலத்தில் அத்திவரதர்...
நின்ற கோலத்தின் இரண்டாவது நாளான இன்று, கரும்பச்சை வண்ண பட்டு அலங்காரத்தில் அத்திவரதர் காட்சி அளித்து வருகிறார்.
சென்னை,
காஞ்சீபுரம் வரதராஜர் பெருமாள் கோவிலில் 40 ஆண்டுகளுக்கு ஒருமுறை நடைபெறும் அத்திவரதர் உற்சவம் கோலாகலமாக நடைபெற்று வருகிறது. 33-ம் நாளான இன்று, அத்திவரதர், கரும்பச்சை வண்ண பட்டு உடுத்தி, மல்லிகை, சம்பங்கி, செண்பக மலர் மாலை அலங்காரத்தில் காட்சி அளித்து வருகிறார்.
காலை 5 மணி முதல் நீண்ட வரிசையில் காத்திருந்து அத்திவரதரை பக்தர்கள் தரிசித்து வருகின்றனர். தரிசன வரிசை எண்ணிக்கை 10 ஆக அதிகரிக்கப்பட்டுள்ளதால் பக்தர்கள் நெரிசல் இன்றியும், விரைவாகவும் சென்று தரிசித்து வருகிறார்கள்.
ஆடிப்பூரத்தையொட்டி, நாளை ஆண்டாள் திருக்கல்யாணம் நடைபெறுவதால் மாலை 5 மணிக்குப் பிறகு தரிசனம் நிறுத்தப்பட்டு ஆண்டாள் திருக்கல்யாணம் நடைபெறும் என்று மாவட்ட நிர்வாகம் தெரிவித்துள்ளது. இரவு 8 மணிக்கு பிறகு மீண்டும் தரிசனம் நடைபெறும் என்றும் கோவில் நிர்வாகம் தெரிவித்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
