மாநில செய்திகள்

கொடைக்கானல் மலைப்பாதையில் 80 அடி பள்ளத்தில் வேன் பாய்ந்து கல்லூரி மாணவி உள்பட 2 பேர் பலி + "||" + On the Kodaikanal Highway The van slipped Including college student 2 killed

கொடைக்கானல் மலைப்பாதையில் 80 அடி பள்ளத்தில் வேன் பாய்ந்து கல்லூரி மாணவி உள்பட 2 பேர் பலி

கொடைக்கானல் மலைப்பாதையில் 80 அடி பள்ளத்தில் வேன் பாய்ந்து கல்லூரி மாணவி உள்பட 2 பேர் பலி
கொடைக்கானல் மலைப்பாதையில் 80 அடி பள்ளத்தில் வேன் பாய்ந்ததில் கல்லூரி மாணவி உள்பட 2 பேர் பலியாகினர்.
கொடைக்கானல்,

கொடைக்கானல் அண்ணாநகரை சேர்ந்தவர் சாதிக் (வயது 45). இவரும், ஆனந்தகிரி 1-வது தெருவை சேர்ந்த ரகமத்துல்லா (40) என்பவரும் சேர்ந்து நாயுடுபுரம் பகுதியில் ஓட்டல் நடத்தி வருகின்றனர். சாதிக்கின் மகள் ரூபிதாஹரின் (18). இவர், திருச்சியில் உள்ள ஒரு தனியார் கல்லூரியில் முதலாம் ஆண்டு படித்து வந்தார். ரகமத்துல்லாவின் மகன் ராசிக்பரீத் (13). இவர், கொடைக்கானலில் உள்ள தனியார் பள்ளியில் 8-ம் வகுப்பு படித்து வந்தார்.


இதற்கிடையே நேற்று முன்தினம் வத்தலக்குண்டுவில் நடந்த சாதிக்கின் உறவினர் திருமண விழாவில் சாதிக், ரகமத்துல்லா குடும்பத்தினர் கலந்து கொண்டனர். அதன்பிறகு திருச்சிக்கு சென்று சாதிக்கின் மகள் ரூபிதாஹரினை அழைத்துக்கொண்டு, வேனில் கொடைக்கானல் நோக்கி வந்து கொண்டிருந்தனர். அந்த வேனை ரகமத்துல்லா ஓட்டினார்.

நள்ளிரவு 12.45 மணிக்கு வெள்ளி நீர்வீழ்ச்சி அருகே மலைப்பாதையில் வேன் வந்தது. அப்போது அடர்ந்த மேகமூட்டமாக இருந்தது. அந்தநேரத்தில் சாலையின் குறுக்கே திடீரென காட்டெருமை வந்தது. இதனைக்கண்டு அதிர்ச்சி அடைந்த ரகமத்துல்லா, திடீரென வேனை நிறுத்த முயன்றார். இதில் கட்டுப்பாட்டை இழந்த வேன், சாலையோரத்தில் இருந்த தடுப்பு சுவரை உடைத்துக் கொண்டு சுமார் 80 அடி பள்ளத்தில் பாய்ந்தது.

இதில் ரூபிதாஹரின், ராசிக் பரீத், ரகமத்துல்லா, அவருடைய மனைவி சர்மிளா (35), சாதிக், அவருடைய மனைவி கமருன்னிசா (43) ஆகியோர் படுகாயமடைந்தனர். ரகமத்துல்லாவின் மகள் சம்ரா பாத்திமா (8) காயமின்றி உயிர் தப்பினாள். அவள் விபத்து நடந்த பள்ளத்தில் இருந்து மேலே ஏறி வந்து சாலையில் நின்று உதவி கோரினார்.

அப்போது அந்த வழியாக காரில் வந்தவர்கள் கொடைக் கானல் போலீசாருக்கும், தீயணைப்பு துறையினருக்கும் தகவல் கொடுத்தனர். இதனையடுத்து போலீசாரும், தீயணைப்பு துறையினரும் சம்பவ இடத்திற்கு சென்றனர்.

பின்னர் கயிறு கட்டி கீழே இறங்கி விபத்தில் சிக்கி காயமடைந்தவர்களை மீட்டு சிகிச்சைக்காக கொடைக்கானல் அரசு மருத்துவமனையில் சேர்த்தனர். அங்கு டாக்டர்கள் பரிசோதனை செய்ததில் ரூபிதாஹரின், ராசிக் பரீத் ஆகியோர் ஏற்கனவே இறந்துவிட்டது தெரியவந்தது. படுகாயம் அடைந்த சாதிக், கமருன்னிசா, ரகமத்துல்லா, சர்மிளா ஆகிய 4 பேருக்கு மருத்துவமனையில் சிகிச்சை அளிக்கப்பட்டது.

தொடர்புடைய செய்திகள்

1. கொடைக்கானல், பழனி வனப்பகுதிகளை, புலிகள் சரணாலயத்துடன் இணைக்க கூடாது
கொடைக்கானல், பழனி வனப்பகுதிகளை ஆனைமலை புலிகள் சரணாலயத்துடன் இணைக்க கூடாது என்று குறைதீர்க்கும் கூட்டத்தில் விவசாயிகள் வலியுறுத்தினர்.
2. கொடைக்கானல் அருகே பயங்கரம்: தோட்ட காவலாளி குத்திக் கொலை
கொடைக்கானல் அருகே தோட்ட காவலாளி குத்திக்கொலை செய்யப்பட்டார்.
3. கொடைக்கானல் மலைப் பகுதியில் விளையும் வெள்ளைப்பூண்டுக்கு புவிசார் குறியீடு
கொடைக்கானல் மலைப்பகுதியில் விளையும் வெள்ளைப்பூண்டுக்கு மத்திய அரசின் புவிசார் குறியீடு கிடைத்துள்ளது.
4. கொடைக்கானல் அன்னைதெரசா மகளிர் பல்கலைக்கழக துணை வேந்தராக வைதேகி விஜயகுமார் நியமனம்
கொடைக்கானல் அன்னைதெரசா பல் கலைக்கழக துணை வேந்தராக வைதேகி விஜயகுமாரை, கவர்னர் நியமனம் செய்து இருக்கிறார்.
5. 2–வது நாளாக கொடைக்கானலில் குவிந்த சுற்றுலா பயணிகள் 15 கி.மீ. தூரத்துக்கு அணிவகுத்து நின்ற வாகனங்கள்
கொடைக்கானலில் சுற்றுலா பயணிகள் குவிந்ததால் கடுமையான போக்குவரத்து நெரிசல் ஏற்பட்டது. 15 கி.மீ. தூரத்துக்கு வாகனங்கள் அணிவகுத்து நின்றன.